Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүдүнја Мүсәлманларынын Али Лидери вә Ислам Ингилабынын Рәһбәри Имам Хаменеи ҹәнаблары дөвләт мәмурлары, ислам өлкәләринин сәфирләри вә “Ислами вәһдәт” конфрансынын иштиракчыларыны гәбул едиб.
Ҝөрүшүн әввәлиндә Пејғәмбәр (с) вә Имам Садигин (ә) тәвәллүдү мүнасибәтијлә гонаглары тәбрик едән Ајәтуллаһ узма Хаменеи дејиб: “Бу ҝүн бөлҝәдә ики ирадә үз-үзә дајанмышдыр. Вәһдәт вә ихтилаф ирадәси. Бу һәссас заманда Гурана вә Пејғәмбәрин (с) илаһи тәлимләринә сөјкәнмәк лазымдыр, чүнки вәһдәтә сәбәб олан дәрман ислам дүнјасынын чәтинликләринин һәлл јолудур. Пејғәмбәрин өнәми олдугҹа чохдур вә Аллаһ бу немәтә ҝөрә Гурани Кәримдә бизә миннәт гојмушдур. Аләмләрә рәһмәт ҝәлән Пејғәмбәрин тәлимләри бәшәријјәтин ниҹат вә гуртулуш јолудур. Бәшәријјәт дүшмәнләри вә ҝүҹ саһибләри инсанын сәадәтинә сәбәб олан бу тәлимләрә мүхалифдирләр. ЕЛә бу сәбәбдәндир ки, Аллаһ Пејғәмбәрә (с) ҝөстәриш верир ки, мүнафиг вә кафирләрә бојун әјмәмәклә јанашы, онларла ҹиһад етсин. Ислам вә инсанијјәт дүшмәнләри илә ҹиһад шәраитә ујғун олараг дәјишир. Бәзән һәрби, бәзән сијаси, бәзән мәдәни вә бәзән елми. Мүсәлман халглары, хүсусән дини мүбәллиғләр вә ҹаванлар Пејғәмбәрә (с) назил олан илаһи тәлимләри мүталиә едәрәк таныш олмалы вә бу тәлимләр топлусуну истифадә етмәлидирләр.”
Дүшмәнин вә империалист гүввәләрин мүсәлманы зәифләтмәк вә араларында ихтилаф салмаг планларына тохунан Ајәтуллаһ Хаменеи “Ислам дүнјасы бу ҝүн чохлу проблемләрлә үз-үзәдир. Бу проблемләрин һәлли бирлик, јардымлашмаг, һәмкарлыг, чох сајда ислами ортаглығымыза ҝөрә мәзһәби вә фикри ихтилафларымыздан кечмәклә мүмкүндүр. Ислами дөвәт вә милләтләрин вәһдәти илә АБШ вә Исраил режими өз истәкләрини мүсәлманлара зорла гәбул етдирә билмәз вә Фәләстин мәсәләсинин унудулмасы тәһлүкәси дә зәрәрсизләшдириләҹәкдир.”, -дејә әлавә едиб.
Асијанын шәрги олан Мјанмадан Африканын гәрбиндә јерләшән Ниҝеријаја гәдәр мүсәлманларын чәкдији ишкәнҹәләрә тохунан Ингилаб рәһбәри билдириб: “Бунлар империалист гүввәләрин јајдығы ихтилафын нәтиҹәсидир. Бу вәзијјәтдә инҝилс "шиә"лији вә американ "сүнни"лији гајчынын ики башы кимидирләр. Бу груплар ихтилаф јаратмаг вә мәсәләләри одландырмагла мәшғулдурлар. Инҝилтәрәнин гәдим сијасәти олан “ихтилаф јарат, һөкмранлыг ет” инди дә ислам дүшмәнләринин әлиндә бир аләтдир. Инҝилтәрәнин аддығы аддымлар вә јүрүтдүјү сијасәтләр бөлҝәнин чәкдији әзаб вә әзијјәтләринин мәнбәјидир. Сон ҝүнләрдә Инҝилтәрә утанмадан зүлмә мәруз галмыш Ираны бөлҝәнин тәһлүкәси адландырды. Лакин һамы билир ки, бу иттиһамларын әлејһинә олараг Инҝилтәрәнин өзү фәсад, тәһдид вә тәһлүкә мәнбәјидир."
Сөзләринин давамында ингилаб рәһбәри дејиб: "Дүшмәнин фәалијјәтләринин Ислам Ингилабындан сонра даһа да чохалмасы онларын горхусунун вә Ислам дөвләтинин артыг нүмунәјә чеврилдијинин ҝөстәриҹисидир. Дүшмән заһирдә јумшаглыг ҝөстәрсә дә, батиндә сөзүн әсил мәнасында вәһши вә сәртдир. Милләтләр бу әхлагсыз, динсиз вә инсанфсыз дүшмәнлә үз-үзә дурмаға һазыр олмалыдырлар. Ислам дүнјаснын ән еһтијаҹ дујдуғу мәсәлә вәһдәт вә бирликдир. Исламын бүтүн мәзһәбләри ихтилаф јаратмагдан чәкинсинләр вә Пејғәмбәри (с), Гуран вә Кәбәни вәһдәтләри үчүн мәркәз тәјин етсинләр. Дөвләт вә милләтләр шејтанлар мүгабилиндә ајыг олмалыдырлар. Нијә заһирдә ислами олан өлкәләр дүшмәнин сијасәтләринә бојун әјирләр? Имам Хомејнинин (р) вә ингилабын фәхр олунасы јолуну давам етмәк, дүшмән мүгабилиндә мүгавимәт ҝөстәрмәк, һагг вә һәгигәти мүдафиә етмәк, иззәт, дүнја вә ахирәтин сәадәтинә сәбәб олаҹагдыр.”
Диггәт: Хәбәрдән истифадә етдикдә мәнбәјә истинад лазымдыр
