Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ишғалчы сионист Исраил режиминин баш назири јенә дә ишғал олунмуш Гүдсдә вә әтраф реҝионларда Азанын минарәләрдән јајылмасынын гаршысыны алмаг фикиринә дүшүб.
Ганунсуз сионист режиминин "һааретз гәзети"нин вердији мәлуматда дејилир ки, ишғалчы режимин баш назири Бинјамин Нетанјаһу чалышыр ки, ишғал олунмуш Гүдсдә вә әтраф реҝионларда Азанын минарәләрдән јајылмасынын гаршысыны алан ганун лајиһәсини нүмајәндәләр палатасына (кнессет) ҝөндәрсин.
Бу гәзет Ҹүмә ҝүнү, 9 Декабр сајында, ишғалчы режимин баш назири Бинјамин Нетанјаһуја јахын олан бир мәнбәјә истинад едәрәк јазыр: Сон ҝүнләрдә сәј едилир ки, ишғал олунмуш Гүдсдә вә әтраф реҝионларда Азанын минарәләрдән ҝеҹә вә ҝүндүз сәсуҹалданлар васитәси илә јајылмасынын гаршысыны алан ганун лајиһәси тәсдигләнмәк үчүн Исраил сионист режиминин парламентинә (кнессет) ҝөндәрилсин.
Бу сионист гајнаг Азан гадағасы ганун лајиһәсинин Бинјамин Нетанјаһу тәрәфиндән нә вахт һазырланараг парламентә тәгдим едиләҹәји барәдә бир сөз демәјиб.
Азанын сәсуҹалданлардан јајылмасыны гадаған едән ганун лајиһәсинин ҹари һәфтәнин үчүнҹү ҝүнү парламентдә мүзакирәјә чыхарылмасы ҝөзләнилирди, амма намәлум сәбәбләрдән бу иш тәхирә салынды.
Бу ганун лајиһәсинә ҝөрә ишғал едилмиш әразиләрдә ибади ишләр үчүн сәсуҹалданлардан истифадә едилмәси, хүсусилә дә Азанын мәсҹидләрдә минарәләрдән јајылмасы ҝеҹә саат 10:00-дан сәһәр саат 7:00-дәк гадаған едиләҹәк.
Фәләстинин 1948-ҹи илдә ишағл едилмиш әразиләриндә вә Гүдсдә азанын сәсуҹалдыҹылардан јајылмасыны гадаған едән ганун лајиһәси сионист режиминин баш назирлији кабинетиндәки назирлик комитәси тәрәфиндән тәсдигләнсә дә бу мәсәләнин кнессетдә мүзакирәси тәхирә салынмышдыр.
Диггәт: Хәбәрдән истифадә етдикдә мәнбәјә истинад лазымдыр
