Әһли Бејт (әлејһимус-сәлам) - АБНА – Хәбәр Аҝентлији- Гејд етдијимиз кими, Ислам Дини вә Пејғәмбәримизин вә онун пак Әһли – Бејтинин (әлејһим сәлам) сүннәси Инсан ҹәмијјәтинин камилләшмәси вә үзләшдији проблемләринин чөзүлмәсиндә бир баша әсас рола маликдир. Белә ки, Гурани Кәрим башда олмагла әзиз Ислам Пејғәмбәри (сәлләллаһу әлејһи вә алиһ) вә Имамларымыз (әлејһим сәлам) Адәм (әлејһи сәалм) өвладларынын бир чох хәстәликләринин мәһз Мәрҹимәј васитәси илә сағалмасыны бизләрә һәлә 1438 ил бундан өнҹә хәбәр верибләр.
Мәрҹимәјин ады Гурани Кәримдә кечир.
و اذ قلتم یا موسی لن نصبر علی طعام واحد فادع لنا ربک یخرج لنا ممّا تنبت الارض من بقلها و قثآئها و فومها و عدسها و بصلها ...
Аллаһ Тәала Гурани Кәримин Бәгәрә (Инәк) сүрәсинин 61-ҹи ајәсиндә белә бујурур: Хатырлајын ки, сиз (мүәјјән мүддәт сәһрада галмалы олдуғунуз заман): “Ја Муса! Биз (һәр ҝүн једијимиз) ејни тәама (гүдрәт һалвасындан вә билдирчин әтиндән ибарәт олан јемәјә) һеч вахт дөзмәјәҹәјик! Рәббинә дуа ет ки, бизим үчүн торпағын битирдији шејләрдән тәрәвәзиндән, сарымсағындан, мәрҹимәјиндән вә соғанындан јетирсин! – дединиз.
Мәсум Имамлардан бизләрә ҝәлиб чатан Тиббә аид һәдисләрдә дә, Мәрҹимәј һаггда олдугҹа фајдалы мәлуматлар верилир. Белә ки, Ислам Пејғәмбәри һәзрәти Мустәфа Муһәммәд ибн Әбдуллаһын (сәлләллаһу әлејһи вә алиһ) һүзуруна бир киши ҝәләрәк гәлбинин дашлашмасындан вә рәһимсиз олдуғундан шикајәтләнир. Бөјүк Ислам Пејғәмбәри о кишијә мәрҹимәј јемәји төвсијә еедир.
(Муһасин ҹилд. 2, сәһ. 504)
Диҝәр бир һәдисдә белә дејилир: Ислам Пејғәмбәри өз үммәтинин даш гәлблилијиндән Уҹа Аллаһа шикајәт етди. Аллаһ Сүбһанәһу Тәала әмр етди мәрҹимәј јесинләр. Чүн ки, мәрҹимәј гәлби јумушалдыр, ҝөзләрдән јаш ахытмасыны сүрәтләндирир, тәкәббүрлүјү вә хүдпәсәндлији арадан апарыр. Мәрҹимәј јахшы инсанларын хөрәјидир.
(Мәкаримул Әхлаг сәһ. 512)
Имам Рза (әлејһи сәлам) Өз Аталарындан вә Онлар да, Пејғәмбәри Әкрәмдән беләНәгл едирләр:
«علیکم بالعدس، فأنه مُبارک، مقدس، یَرِق القلب و یکثر الدمعة و قد مبارک فیه سبعون نبیاً آخرهم عیسی بن مریم»
Мәрҹимәјдән истифадә етмәји унутмајын! Чүн ки, о мүгәддәс вә бәрәкәтли бир биткидир. Үрәји јумушаг вә рәһимли едир, ҝөз јашыны чохалдыр. МӘрҹимәји 70 Пејғәмбәр мүбарәк гәрар вериб ки, һәзрәт Иса (әлејһи сәлам) онларын ахрынҹысыдыр.
(Ујуни Әхбари рза (ә), ҹилд. 2, сәһ. 215. Сәһифәји Рза (ә), сәһ. 25. Биһарул Әнвәр, ҹилд. 62, сәһ. 257.)
Мүтәхәссисләр мәрҹимәји хүсусијјәт бахымындан гырмызы әтлә бәрабәр тутурлар. Онлар мәрҹимәји мәдә вә һафизәни ҝүҹләндирән биткими кими гәбул едир вә мәрҹимәјин гајнадылмышыны дезинфексија едиҹи кими истифадә едирләр. онларын фикринҹә биширилмиш мәрҹимәј тәбии сиркә илә гарышдырылса мәдәни ҝүҹләндирир. Мәрҹимәин сују исә, өскәријин гаршысын алараг синәни јумушалдыр.
Ҹүҹәрдилмиш мәрҹимәк үмуми мөһкәмләндириҹи, ҹаванлашдыран вә мүалиҹәви васитә кими истифадә олунур. Сонсузлуға гаршы там еффектлидир!
Хариҹи өлкәләрдә һазыр ҹүҹәрдилмиш буғда вакуум габлашдырмаларда супермаркетләрдә сатылыр. Ҹүҹәрдилмиш мәрҹимәк һәзм системинин фәалијјәтини јахшылашдырыр, синир системинин функсијаларына мүсбәт тәсир едир, иммунитети ҝүҹләндирир, хәрчәнҝ хәстәликләрин профилактик васитәси сајылыр. Тәбии ки, ҹүҹәрдилмиш мәрҹимәјин фајдалы хүсусијјәтләриндән фајдаланмаг үчүн ону һәр ҝүн 50-100 гр һәҹминдә гәбул етмәк лазымдыр. Ҹүҹәрдилмиш мәрҹимәји даим гәбул едән инсанлар иш габилијјәтинин, фәаллығынын артмасыны һисс едирләр.
Бу ресептлә минләрлә сонсуз инсанлар мүалиҹә едилишдирдир.
Бу Гарышымын Фајдалары:
Ган дамарларыны тәмизләјир, Үрәји мөһкәмләдир, Гараҹијәр вә Бөјрәкләри тәмизләјир, Иммунитет системини ҝүҹләндирир, Бејин Функсијаны вә Јаддашы инкишаф етдирир, Үрәк тутмаларынын гаршысыны алыр, Бүтүн хәрчәнҝ нөвләри үчүн ән јахшы чарәдир, Сонсизлуға гаршы инанылмаз фајдалыдыр.
Әслиндә истифадә гајдасы чох садәдир. Ҝүн әрзиндә 100 грам ҹүҹәрмиш нәрҹимәји јарым стәкан сүдлә блендрдән кечириб, аҹгарнына сәһәрләр јејин. 2 саат һеч бир гида гәбул етмәјин.
Мәлумдур ки, пахлалыларын ҹүҹәрдикдә онларда C витамини 600 дәфә артыр. Мәрҹимәк дә бу хүсусијјәтә маликдир. Ҹүҹәрдикдә ејни заманда Б1, Б6, биотин, фол туршусу, калиум, магнезиум, дәмир, синк ҹәһәтдән дә зәнҝинләшән мәрҹимәк һәм дә ҝүҹлү зүлал мәнбәјидир.
Мәрҹимәјин ҹүҹәрмишләри органик дәмир мәнбәји олуб ганда һемоглобинин мигдарыны артырыр.
Зәнҝин C витамини мәнбәји олдуғу үчүн мәрҹимәк грипп әлејһинә васитә кими истифадә олунур.
Тәркибиндә бөјүк мигдарда калиум олмасы мәрҹимәји атеросклероз вә үрәк ритминин позулмасы заманы фајдалы едир.
Мәрҹимәјин ҹүҹәртиләрини анемијанын мүхтәлиф формалары, дамарларда ганахмасы, ушаглыгда ганахмалар вә гадынларда критик ҝүнләрдә һәддән артыг ган итирмәләр заманы хөрәкләрдә истифадә етмәк мүсбәт нәтиҹәләр верир.
Онлар һәмчинин ағҹијәр вәрәми вә сидик-ҹинсијјәт системи хәстәликләринин мүалиҹәсиндә, бронхитләрин вә пневманијаларын гаршысынын алынмасында, анҝина вә сојугдәјмәләрдән сонра бәрпаедиҹи васитә кими истифадә олунур.
Мәрҹимәк маддәләр мүбадиләсини нормаллашдырыр вә синир системинин там фәалијјәтини тәмин едир, һәзми јахшылашдырыр, екзема вә мәдә хорасыны мүалиҹә едир.
Мәрҹимәјин ҹүҹәртиләри хүсусилә тез-тез вируслу хәстәликләрә, сојугдәјмәләрә јолухан ушаглара вә бөјүкләрә хејирдир.
Имам Рза (әлејһи сәлам) мәрҹимәјин тибби фајдалары һагда белә бујурур: “Әҝәр һамамда бәдәниздәки артыг түкләри тәмизләдијиниз заман дәрини зәдәләјәрсинизсә мәрҹимәји үјүдүб ун едәрәк ҝүлаб вә сиркә илә гарышдырыб јаранын үзәринә гојун. Аллаһ Тәаланын изни илә, сағалаҹаг.”
Диҝәр бир һәдисдә исә, бујурулур ки, мәрҹимәјин говрулмуш уну сусузлуғу арадан апарыр, мәдәни ҝүҹләндирир, өдү тәнзимләјир, мәдәни паклајыр, 70 дәрдин дәрманы, ган тәзјигинин тәнзимләјиҹисидир.
(Мәкаримул Әхлаг, сәһ. 215.)
Имам Бгир (әлејһи сәлам) бујуруб: Менструасијасы (ајбашы) дајанмајан гадына мәрҹимәјин говрулмуш унун ичирдин. Сүрәтлә һејз ганы кәсиләҹәкдир.
(Әмали Шејх Туси, ҹилд. 1, сәһ. 376.)
Имам Садиг (әлејһи сәлам): Мәрҹимәј белағрысы үчүн фајдалыдыр.
Әлбәтдә сонда гејд етмәлијик ки, һәдисләрдә мәрҹимәјдән истифадә етдикдә нормаја риајәт етмәк нәзәрдә тутулур. Әкс тәгдирдә әсәб системләринә зәрәр јетириҹидир.
Диггәт: Хәбәрдән истифадә етдикдә мәнбәјә истинад лазымдыр
