Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Шаһин Һәсәнли Сумгаjытдакы мәсҹидин тәһгир олунмасындан данышды
Радикал ҹәрәjан групларынын фәалиjjәти инсанларда динә гаршы фикрләрин дәjишилмәсинә ҝәтириб чыхарыр. “Ким Аллаһы гәбул етмирсә, бу, онун өз ишидир, өз ихтиjарындадыр. Амма даһа буну мәсҹид диварында елан етмәси һеч бир мәнтигә сығмыр”
Буну Сумгаjытдакы мәсҹидин диварында тәһгирамыз ифадәнин jазылмасы илә бағлы исламазери.аз-а ачыгламасында илаһиjjатчы Һаҹы Шаһин Һәсәнли деjиб. Һ.Ш. Һәсәнли билдириб ки, бу кими һаллар jолверилмәздир:
“Инсан Аллаһы инкар едирсә, буну мәсҹидин диварында jазмасы, тәбии ки, инанҹлы инсанлара гаршы тәһгир һесаб олуна биләр. Бу, санки кимләрәсә агрессив бир месаждыр. Бахмаjараг ки,бәзән атеистләр диндар инсанлары, инанҹлы инсанлары агрессив олмагда иттиһам едирләр. Мәсҹид диварында бунун jазылмасы дөзүмсүзлүjүн ҝөстәриҹисидир. Бу кими әмәлләр инсанларын дини һиссләрини гыҹыгландырмаға гаршы jөнәлмиш әмәлләрдир. Әлбәттә ки, бу тип һәрәкәтләри гәбул етмәк олмур. Ким Аллаһы гәбул етмирсә, бу, онун өз ишидир, өз ихтиjарындадыр. Амма даһа буну мәсҹид диварында елан етмәси һеч бир мәнтигә сығмыр”.
Сумгаjытда радикал дини ҹәрәjан групларынын мәлум һадисәсиндән сонра һәмин әразидә мәсҹидин диварында тәһгирамиз ифадәнин jазылмасы диггәт ҹәлб едән мәсәләләрдәндир. Вәһһаби ҹәрәjанынын Сумгаjыт лидерләриндән бири һесаб олунан Зөһраб Шыхәлиjевин һәjәтиндә, jерин алтында ганунсуз мәсҹид тикдирмәси вә һүгуг-мүһафизә органларынын әмәлиjjаты нәтиҹәсиндә евиндә ганунсуз силаһ-сурсат тапылмасынын ҝүндәмдә олдуғу бир дөврдә Сумгаjыт “Ҹүмә” мәсҹидинин диварында динин тәһгир олунмасы тәәҹҹүб доғурур. Баш вермиш һадисәләрин бир-бири илә әлагәли олуб-олмадығына да Һаҹы Шаһин Һәсәнли аjдынлыг ҝәтириб.
Һаҹы Шаһин геjд едиб ки, радикаллыг тәбии ки, ҹәмиjjәтдә динә гаршы икраһ һисси доғура биләр: “Һәр һансы бир әлагәнин олуб-олмадығыны деjә билмәрәм. Амма үмумиjjәтлә бәзи һалларда радикал ҹәрәjан групларынын фәалиjjәти инсанларда динә гаршы фикриләрин дәjишилмәсинә ҝәтириб чыхарыр. Инсанларда динә гаршы агресиjjанын jарадылмасына ҝәтириб чыхарыр. Һәтта һансыса бир радикалын әмәлинә етираз әламәти олараг, бәзи инсанларын мүгәддәсләрә дә дил узатмасынын шаһиди олуруг. Амма дәгиг шәкилдә, долаjысыjла да белә олса мәлум һадисәләрин бир-бириjлә һансы бағлылыг тәшкил етмәjини демәк чәтиндир.”
Хатырладаг ки, бир нечә ҝүн әввәл радикал диндарларын һәбси илә ҝүндәмдә олан Сумгаjыт шәһәри бу дәфә там тәрсинә бир олаjа имза атыб.
Диггәт: Хәбәрдән истифадә етдикдә мәнбәjә истинад лазымдыр
22 noyabr 2014 - 11:54
Xəbər kodu: 653048
Радикал ҹәрәjан групларынын фәалиjjәти инсанларда динә гаршы фикрләрин дәjишилмәсинә ҝәтириб чыхарыр. “Ким Аллаһы гәбул етмирсә, бу, онун өз ишидир, өз ихтиjарындадыр. Амма даһа буну мәсҹид диварында елан етмәси һеч бир мәнтигә сығмыр”
