Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,өтән ҝүн президентин сәрәнҹамы илә Дини Гурумларла иш үзрә Дөвләт Комитәсинин сәдри вәзифәсинә тәjин олунан ЈАП иҹра катибинин мүавини, милләт вәкили Мүбариз Гурбанлынын комитәнин коллективинә тәгдим олунма мәрасими кечирилир. Јени сәдри коллективә Президент Администрасиjасынын иҹра апаратынын рәһбәри Рамиз Меһдиjев тәгдим едир.
Геjд едәк ки, jени сәдр Азәрбаjҹан Дөвләт Университетинин тарих факүлтәсини фәргләнмә диплому илә битириб. Тарих елмләри намизәди, досентдир. Чохсаjлы елми, елми-публисистик, нәзәри, политоложи мәгаләләрин, бир нечә китабын мүәллифидир. Һәмчинин Азәрбаjҹан Дөвләт Мәдәниjjәт вә Инҹәсәнәт Университетинин досенти, Јени Азәрбаjҹан Партиjасы Сиjаси Шурасынын вә Идарә Һеjәтинин үзвү, партиjанын иҹра катибинин мүавинидир.
Биринҹи, икинҹи вә үчүнҹү чағырыш Азәрбаjҹан Республикасы Милли Мәҹлисинин депутаты олуб. 2010-ҹу ил ноjабрын 7-дә jенидән Азәрбаjҹан Республикасы Милли Мәҹлисинин депутаты сечилмишдир. Милли Мәҹлисин Һүгуг сиjасәти вә дөвләт гуруҹулуғу комитәсинин үзвүдүр.
Гара Дәниз Игтисади Әмәкдашлыг Тәшкилатынын Парламент Мәҹлисиндә Азәрбаjҹан нүмаjәндә һеjәтинин үзвү вә комитә сәдринин мүавинидир.
Азәрбаjҹан Республикасы Президентинин 21 иjул 2014-ҹү ил тарихли Сәрәнҹамы илә Азәрбаjҹан Республикасынын Дини Гурумларла Иш үзрә Дөвләт Комитәсинин сәдри тәjин едилиб.
Faktxeber.com
Диггәт: Хәбәрдән истифадә етдикдә мәнбәjә истинад лазымдыр
