Мөһсин Пакаjин: Минск групуна үзв өлкәләр Гарабағ мүнагишәсинин һәллиндә мараглы деjил

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Дағлыг Гарабағ мүнагишәсинин һәлл олунмасы Иран Ислам Республикасынын хариҹи сиjасәтинин әсас һәдәфләриндән биридир.Бу сөзләри Иран Ислам Республикасынын Азәрбаjҹандакы сәфири Мөһсин Пакаjин бу ҝүн Иранын ХИН-ин Тәбриздәки офисиндә журналистләрә деjиб.
М.Пакаjин деjиб ки, һеч шүбһәсиз бөлҝәнин тәһлүкәсизлиjинин тәмини Иран үчүн чох өнәм дашыjыр вә елә буна ҝөрә чалышырыг Дағлыг Гарабағ мүнагишәси өз һәллини тапсын.
"Бу мүнагишә Иранын Азәрбаjҹан вә Ермәнистанла сәрһәдләринин бир һиссәсини әһатә едир. Азәрбаjҹан вә Ермәнистан арасында гаршыдурма бу ики өлкәнин хеjринә деjил вә әлбәтдә Иранында хеjринә деjил", -деjә Пакаjин билдириб.
О, әлавә едиб ки, Иран Ислам Республикасы бәлли бир заман чәрчивәсиндә Гарабағ мүнагишәсинин һәлли үчүн васитәчилик едиб.
"Лакин һазырда елә ҝөрсәнир ки, мүнагишә тәрәфләри Гарабағ проблеминин АТӘТ-ин Минск групу чәрчивәсиндә һәллини истәjирләр. Минск групу 20 илдир фәалиjjәт ҝөстәрир, лакин мүнагишәнин һәлли үчүн һеч бир аддым атмаjыб", -деjә Пакаjин билдириб.
Пакаjин деjиб ки, АТӘТ-ин Минск групуна үзв өлкәләр Гарабағ мүнагишәсинин һәллиндә мараглы деjил.
Геjд едәк ки, Иран дәфәләрлә билдириб ки, әҝәр мүнагишә тәрәфләри истәjәрсә, Иран Дағлыг Гарабағ проблеминин һәллиндә васитәчилик етмәjә вә проблемин һәллинә jардым етмәjә һазырдыр.
Теһран Радиосу
Диггәт: Хәбәрдән истифадә етдикдә мәнбәjә истинад лазымдыр