Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Президент Администрасиjасынын (ПА) рәһбәри Рамиз Меһдиjев билдириб ки, АБШ сәфири һәддини чох ашыб. О, өзүнү гышгырараг Азәрбаjҹаны идарә едән һансыса губернатор һесаб едир”.
Рамиз Меһдиjев “Азәртаҹ” Дөвләт Аҝентлиjинә мүсаһибәсиндә деjиб: "АБШ сәфиринин мүсаһибәдәки тонунда әмр вә фикирләрини мүстәгил дөвләтә гәбул етдирмәк ҹәһди вар.
ПА рәһбәри деjиб: “АБШ сәфири һеч нәjә мәһәл гоjмаjараг, Азәрбаjҹанла бағлы белә кобуд рәфтара jол верирсә, демәли, онун статусу илә бағлы ҹидди проблемләри вар. АБШ сәфиринин бу мүсаһибәси дүнjада вә постсовет мәканда даһа чох Гәрбин уҹбатындан ҝәрҝинләшән ҝеосиjаси просесләр фонунда ән азы тәәҹҹүб доғурур”.
Геjд едәк ки, 23Маj АБШ-ын Бакыдакы сәфири Ричард Морнинҝстар АБШ-ын Азадлыг радиосуна мүсаһибәсиндә демишдир: " Азәрбаjҹан һөкумәти белә аргумент ҝәтирир ки, стабиллик наминә бәзи аддымлары атмаға мәҹбурдур. Бәзән елә шеjләр баш верир ки, тамамилә лазымсыздыр - вәтәндашлары инҹидир вә һеч кимин дә марагларына хидмәт еләмир, һәтта һөкумәтин дә. Биз демократиjа вә инсан һаглары барәдә ҹидди данышырыг вә бу мөвзуда һәр заман сәсимизи галдыраҹағыг, неҹә ки, әввәлләр дә буну етмишик."
Ричард Морнинҝстар вурғуламышдыр: " Русиjанин Крымда етдикләриндән сонра ким билир, Русиjа, jахуд үчүнҹү бир тәрәф бу вәзиjjәтдән неҹә фаjдаланмаг истәjә биләр? Индики вәзиjjәти нәзәрә алсаг, Азәрбаjҹан, елә АБШ да чалышмалыдыр ки, мүнасибәтләр горунуб сахлансын. Чүнки, Азәрбаjҹанын мүстәгиллиjинин архасында ким даjанаҹаг? АБШ вә Авропадан башга ким?
АБШ-ын Бакыдакы сәфиринин фикринҹә, һөкумәтдә бир чох адам, о ҹүмләдән президент анлаjырлар ки, Бирләшмиш Штатларла мүнасибәтләр чох ваҹибдир. Амма Азәрбаjҹан тәрәфдән тәәссүф етдиjимиз мәсәләләрдән бири будур ки, ола билсин, һөкумәт, Маjданда баш верәнләрин бурда тәкрарланмасыны истәмир.
Tehran Radiosu
Диггәт: Хәбәрдән истифадә етдикдә мәнбәjә истинад лазымдыр
