Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ислам Партијасынын сәдр әвәзи Елчин Манафов мүсаһибә верәрәк билдириб: “Дәфәләрлә Әдлијјә Назирлијинә гејдијјат үчүн мүраҹиәт етмишик. Бу јахынларда да мүраҹиәт етдик. Амма һамысы нәтиҹәсиз галыб”.
Онун сөзләринә ҝөрә, һәр фүрсәтдә Әдлијјә Назирлијинә мүраҹиәт олунса да, мүсбәт ҹаваб алынмајыб.
“Ислам Партијасы анҹаг ганун чәрчивәсиндә һәрәкәт етмәк истәјир”.
Е. Манафов Ислам Партијасынын гаршыдан ҝәлән бәләдијјә сечкиләриндә иштирак перспективләри һаггында да данышыб. О билдириб ки, партијанын Баш Мәҹлисиндә мәсәлә мүзакирәјә чыхарылаҹаг.
“Мүзакирәләрдә јәгин ки, мүсбәт рәј гәбул олунаҹаг. Биз мүтләг о сечкиләрдә иштирак етмәлијик. Һәбсдә олан Ислам Партијасынын сәдри вә лидери Мөвсүм Сәмәдов да сечкидә иштиракымызы ваҹиб сајыр”.
Гејд едәк ки, Ислам Партијасы 1991-ҹи илдә јарадылыб вә 1992-ҹи илдә гејдијјата алыныб. Лакин онун гејдијјаты 1995-ҹи илдә ләғв едилиб. Партијанын сәдри вә лидери Мөвсүм Сәмәдов исә һазырда һәбсдәдир.
Модерн
Диггәт: Хәбәрдәнистифадәетдикдәмәнбәјәистинадлазымдыр
