Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда орта мәктәбләрдә һиҹабын гадаған олунмасына вә АИП сәдри Мөвсүм Сәмәдов башда олмагла, диҝәр инанҹлыларын һәбс олунмасына етираз әламәти олараг, өлкәмизин Түркијәдәки консуллуғу гаршысында етираз аксијасы кечирилиб. Истанбул шәһәриндәки консуллуг гаршысына топлашан јүзләрлә түркијәли вәтәндаш, Азәрбајҹан һөкүмәтиндән диндар кәсимә гаршы тәзјигләрин дајандырылмасыны тәләб едибләр.
Гејд едәк ки, “Өзҝүрдер” инсан һаглары тәшкилаты тәрәфиндән тәшкил олунан аксијада, нүмајишчиләр "Азәрбајҹанда һиҹаб гадағанына сон! Һәбс едилән диндарлар сәрбәст бурахылсан!", "Сәмәдову азад един!", "Ислама дүшмән, Исраилә дост олма!" шүарлары сәсләндирәрәк, Азәрбајҹанда диндарлара гаршы тәзјигләрин дајандырлмасыны истәјибләр.
Хатрладаг ки, нүмајишдә азәрбајҹанлы мүсәлманларла һәмрәјлијин давам едиләҹәји билдирилиб вә Азәрбајҹан Ислам Партијасынын сәдри Һаҹы Мөвсүм Сәмәдовун дәрһал сәрбәст бурахылмасы тәләби сәсләндирилиб. Аксија иштиракчылары Азәрбајҹандакы сон һадисәләрә етиразларыны ифадә едән мәктубу консуллуг нүмајәндәсинә тәгдим едибләр.
Диггәт: Хәбәрдән истифадә етдикдә мәнбәјә истинад лазымдыр
