Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Президенти Мәсуд Пезешкиан АБШ президентинин Һөрмүз боғазы илә бағлы сон тәһдидинә мүнасибәт билдирәрәк вурғулајыб: Иран даим бу стратежи кечиддә ҝәмиләрин тәһлүкәсиз вә фасиләсиз һәрәкәтинин тәмин олунмасына чалышыб вә бу реҝионун тәһлүкәсизлијинә гаршы истәнилән тәһдид глобал тиҹарәт үчүн ҝениш нәтиҹәләрә сәбәб олаҹаг. Ејни заманда, Иран милли мараглары чәрчивәсиндә истәнилән ссенаријә гаршы там һазырлыглыдыр.
Мәсуд Пезешкиан илә Франса президенти Еммануел Макрон арасында баш тутан телефон данышығында реҝиондакы сон просесләр, Исламабад данышыгларынын ҝедиши вә атәшкәс мәсәләси әтрафында фикир мүбадиләси апарылыб.
Президент сөзүҝедән данышыгда Пакистанын Исламабад шәһәриндә кечирилән данышыгларын ҝедишинә тохунараг, Иранын данышыглар һејәтинин давамлы вә дајаныглы разылашмаја наил олмаг үчүн ҹиддијјәт вә хош нијјәт нүмајиш етдирдијини билдириб. О гејд едиб: Тәрәфләр арасында експерт сәвијјәсиндә мүәјјән разылашмалар әлдә олунса да, АБШ-нин јүксәк сәвијјәли рәсмиләринин һәддиндән артыг тәләбләри вә сијаси ирадәнин јетәрсизлији разылашманын јекунлашдырылмасына мане олуб.
Пезешкиан бејнәлхалг принсип вә гајдалара риајәт олунмасынын ваҹиблијини вурғулајараг билдириб: Иран јалныз бејнәлхалг һүгуг чәрчивәсиндә вә халгынын һүгугларынын горунмасы мәгсәдилә данышыглары давам етдирмәјә һазырдыр. О әлавә едиб ки, Авропа конструктив рол ојнајараг АБШ-ни бу чәрчивәләрә әмәл етмәјә тәшвиг едә биләр.
Sizin rəyiniz