Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Әрәб һәрби вә игтисади експертләри Һөрмүз боғазында ҝәрҝинлијин һәр һансы шәкилдә артмасынын фәсадлары барәдә хәбәрдарлыг едәрәк вурғулајыблар ки, бу стратежи кечиддә дәниз һәрәкәтинә мәһдудијјәтләрин тәтбиг едилмәси глобал енержи базарында ҝенишмигјаслы бөһрана сәбәб ола биләр вә һәтта АБШ-нин мүттәфигләринә диҝәрләриндән даһа чох тәзјиг ҝөстәрә биләр.
Һәрби експерт Өмәр Мәррәбуни билдириб: "Бу нөв аддымлар тәкҹә Ираны һәдәфә алмыр, һәм дә онун тәсир даирәси Фарс көрфәзи өлкәләринә вә нефтдән асылы олан сәнаје игтисадијјатларына гәдәр узанаҹаг."
Игтисади експерт Имад Акуш да хәбәрдарлыг едиб ки, Һөрмүз боғазындакы һәр һансы бир фасилә ҝүндәлик 13 милјон барелдән чох нефтин дашынмасыны дајандыра вә нефтин гијмәтини бир барел үчүн 150-200 доллара гәдәр галдыра биләр.
Sizin rəyiniz