Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иранда Ислам Һакимијјәтинә сон гојаҹағыны идда едән АБШ президенти Доналд Трамп 40 ҝүн Ислам Ордусунун һиперсоник вә балистик ракетләри алтында әзилдикдән сонра Иран әлејһинә һүҹумларла бағлы әввәлки тәһдидләриндән ҝери чәкиләрәк, бомбардман вә һүҹумларын 2 һәфтә мүддәтинә дајандырылмасына разы олдуғуну ачыглајыб.
О билдириб ки, бу аддым ики тәрәфли атәшкәс характери дашыјаҹаг.
Трамп чәршәнбә ахшамы, ахшам саатларында “Трутһ Соҹиал” платформасында јајдығы бәјанатда гејд едиб: Пакистанын баш назири Шаһбаз Шәриф вә Пакистан ордусунун баш команданы илә апардығы данышыглар заманы ондан Иран әлејһинә планлашдырылмыш һәрби әмәлијјатларын дајандырылмасы хаһиш олунуб.
О вурғулајыб ки, Иран Ислам Республикасы Һөрмүз боғазынын там, дәрһал вә тәһлүкәсиз шәкилдә ачылмасына разылыг верәҹәји тәгдирдә, Иранын бомбаланмасы вә һүҹумлары 2 һәфтә мүддәтинә дајандырылаҹаг вә бу, ики тәрәфли атәшкәс олаҹаг.
Пакистанын баш назири Шаһбаз Шәриф исә Х платформасында пајлашымында билдириб: Јахын Шәргдә давам едән мүһарибәнин сүлһ јолу илә һәлли истигамәтиндә дипломатик сәјләр ардыҹыл вә интенсив шәкилдә давам едир вә јахын ҝәләҹәкдә әсас нәтиҹәләр верә биләр.
Sizin rəyiniz