Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Әл-Мәјадин Хәбәр Аҝентлијинин мәлуматына ҝөрә, Пакистан Әфганыстанын ҹәнуб-шәргиндәки Пактика әјаләтинин әразиләрини һава һүҹумлары илә һәдәфә алыб.
Әфганыстан һөкумәтинин рәсмиси бир нечә саат әввәл өлкәнин Нәнҝәрһар әјаләтиндә бир евә Пакистанын һүҹуму нәтиҹәсиндә 17 мүлки шәхсин өлдүјүнү ачыглады.
Пакистанын информасија назири исә Әфганыстанын ҹәнуб-шәргинә һава һүҹумлары барәдә билдириб: Биз Пакистан Талибанынын вә Әфганыстанла сәрһәддә јерләшән ИШИД террор груплашмасынын Хорасан голунун дүшәрҝәләрини вә сығынаҹагларыны һәдәфә алдыг.
Әфганыстан һөкумәтинин сөзчүсү Зәбиһуллаһ Мүҹаһид Пакистан Талибан мөвгеләрини һәдәф алмаг иддиаларыны рәдд едәрәк дејиб: "Пакистанын хүсуси һәрби даирәләри јенидән Әфганыстан әразисинә һүҹум едиб."
О әлавә едиб: "Дүнән ҝеҹә Нәнҝәрһар вә Пактика әјаләтләриндә мүлки сојдашларымыз бомбаланды, бу заман гадынлар вә ушаглар да дахил олмагла онларла инсан шәһид олду вә јараланды."
Мүҹаһид иддиа етди: "Пакистан ҝенераллары бу ҹүр ҹинајәтләрлә өлкәләриндәки тәһлүкәсизлик зәифлијини компенсасија едирләр."
Sizin rəyiniz