Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Президенти өлкәләр арасында имзаланмыш һәртәрәфли стратежи әмәкдашлыг програмынын иҹрасы илә бағлы ҹидди ирадә нүмајиш етдирилдијини билдирәрәк вурғулајыб: Реҝион өлкәләри мүнасибәтләрини елә ҝенишләндирмәлидирләр ки, бөлҝәнин талејини мүәјјән етмәк үчүн кәнар ҝүҹләрин мүдахиләсинә еһтијаҹ галмасын.
Иран Президенти Мәсуд Пезешкиан бу ҝүн – 18 феврал 2026-ҹы ил тарихиндә (чәршәнбә) Русија Федерасијасынын енерҝетика назири Серҝеј Сивилјев вә ону мүшајиәт едән нүмајәндә һејәти илә ҝөрүшдә Теһран–Москва мүнасибәтләринин јени мәрһәләдә олдугҹа јүксәк сәвијјәдә вә артан хәтт үзрә инкишаф етдијини билдириб вә икитәрәфли әлагәләрин сүрәтләнмәсиндән мәмнунлуғуну ифадә едиб.
Президент һөкумәтин фәалијјәтә башладығы дөврдән етибарән Русија Президенти Владимир Путин илә кечирдији чохсајлы ҝөрүшләрә тохунараг гејд едиб: Бүтүн данышыгларда ики өлкә вә ики халгын ортаг марагларыны тәмин едән мүһүм вә стратежи гәрарлар гәбул олунуб вә еләҹә Теһран–Москва мүнасибәтләриндә јени перспективләр ачылыб.
Пезешкиан Иран Ислам Республикасынын ики өлкә арасында һәртәрәфли стратежи әмәкдашлыг програмынын иҹрасына гәтијјәтлә садиг олдуғуну вурғулајараг билдириб: Бу сәнәди ҝүҹ, сүрәт вә дәгигликлә әмәли мәрһәләјә кечирмәкдә гәрарлыјыг. Разылашдырылмыш бүтүн саһәләр – нәглијјат, енержи, нефт-газ, кәнд тәсәррүфаты вә әрзаг мәһсуллары, мүдафиә вә тәһлүкәсизлик истигамәтләри үзрә иҹра просеси арзуолунан динамика илә давам етдирилир.
Президент әлавә едиб: Разылашмаларын иҹра вәзијјәтини шәхсән һәфтәлик әсасда изләјир вә нефт, кәнд тәсәррүфаты вә енерҝетика назирләринә өһдәликләрин иҹрасынын сүрәтләндирилмәси илә бағлы хүсуси тапшырыглар верилиб.
Sizin rəyiniz