Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислам Ингилабы Кешикчиләри Корпусунун Һәрби Дәниз Гүввәләринин команданы контр-адмирал Әлирза Тәнҝсири билдириб: СЕПАҺ-ын Һөрмүз боғазында кәшфијјат вә оператив нәзарәти 24 саат фасиләсиз вә там һәҹмдә һәјата кечирилир.
О вурғулајыб ки, бу нәзарәт суүстү, һава мәканы вә суалты саһәни әһатә едир вә бүтүн истигамәтләр үзрә тәмин олунур.
Тәнҝсири гејд едиб: Фарс көрфәзи адаларындан мүдафиә вә һүҹум характерли тәлимләр Фарс көрфәзи вә Һөрмүз боғазында иҹра едилир. Онун сөзләринә ҝөрә, Иранын Фарс көрфәзи вә Һөрмүз боғазындакы адалары “әләкечирилмәси мүмкүн олмајан галалар вә ҝәмиләрдир” вә милли дәјәр һесаб олунур.
Командан әлавә едиб: Адаларын, еләҹә дә Фарс көрфәзи вә Һөрмүз боғазынын мүдафиәси СЕПАҺ Һәрби Дәниз Гүввәләринә һәвалә едилиб вә бу стратежи бөлҝәдә тәһлүкәсизлијин тәмин олунмасы мәгсәдилә һәр ил планлы тәлимләр кечирилир.
Һазыркы тәлим дә иллик програм чәрчивәсиндә кечирилир. Онун сөзләринә ҝөрә, бу тәлимин фәрги тәтбиг олунан тактика вә истифадә едилән техники васитәләрлә бағлыдыр. Бәзи имканлар иҹтимаијјәтә нүмајиш етдирилсә дә, бир сыра деталлара тәһлүкәсизлик сәбәбилә һәләлик ачыглама верилмир вә мүнасиб вахтда тәгдим едиләҹәк.
Sizin rəyiniz