Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Бу ҝүн сәһәр Тәбриз вә Шәрги Азәрбајҹандан олан минләрлә инсанла шөвҝлү ҝөрүшдә Ислам Ингилабынын Али Рәһбәри бу или гәрибә вә һадисәли бир ил адландырды вә "милләтин 12 ҝүнлүк мүһарибәдә гәләбәсини", "Деј ајынын мүһүм вә ағыр фитнәсинин дәфн едилмәсини" вә "халгын 22 Деј вә 22 Бәһмән ајларындакы ики тәәҹҹүбләндириҹи јүрүшүндәки шанлы иштиракыны" әзиз Иран милләтинин игтидар вә ҹанлы олдугларынын әламәтләри һесаб етди.
Имам Хаменеи һәзрәтләри, даһа сонра "һазырлыглы вәзијјәтдә олмағын, ајыг-сајыглығын вә милли бирлијин" горунуб сахланылмасыны вә ҝүҹләндирилмәсини вурғулајараг әлавә етдиләр: " Биз, дүшмәнләрлә әлагәли лидерләр вә фәсад төрәдән елементләр истисна олмагла, иғтишашлардакы бүтүн шәһидләри, гурбанлары, о ҹүмләдән "ҹәмијјәтин тәһлүкәсизлијини вә динҹлијини горујан гүввәләри", "ҝүнаһсыз јолдан кечәнләри" вә һәтта "садәлик вә гәзәб үзүндән фитнәјә гошуланлары" өз өвладларымыз һесаб едирик вә һамысы үчүн јас тутуруг. Биз әзадарыг.
Ајәтуллаһ Хаменеи һөкумәтин проблемләрин һәлли, инфлјасијанын гаршысынын алынмасы вә милли валјутанын дәјәрини горумаг үчүн ҝөстәрдији сәјләрини икигат артырмалы олдуғуну вурғулады вә чыхышынын диҝәр бир һиссәсиндә Америка рәсмиләринин вә медиасынын Ирана һүҹумла бағлы лазымсыз мүдахиләләринә вә һәјасыз тәһдидләринә тохунараг деди: Онлар өзләри дә бу сөзләрин үстүндә дурмаға вә мүһарибәјә дөзә билмәдикләрини билирләр. Чүнки, "өзүнү дүнјанын ән ҝүҹлү ордусу һесаб едән бир орду" гулағынын дибинә елә ҝүҹлү бир шиллә ала биләр ки, јериндән галха билмәсин; Бу арада, тәһлүкә илә мүбаризә апармаг үчүн мәсул олан гурумлар һәр ан һазыр вәзијјәтдәдир, Халг исә сүлһ вә инамла өз иши вә һәјаты илә мәшғул олмалыдыр.
Тәбриз халгынын 29 Бәһмән 1356-ҹы илдәки гәтијјәтли гијамынын илдөнүмү әрәфәсиндә кечирилән бу ҝөрүшдә Имам Хаменеи һәзрәтләри "вахты танымаг, вахтында һәрәкәт етмәк вә фәдакарлыг"ы һәмин гијамын хүсусијјәтләриндән бири һесаб етдиләр вә мүхтәлиф мејданларда ҝәнҹ нәслин севинҹли иштиракыны гејд едәрәк дедиләр: Тәбриз халгынын 22 Бәһмән јүрүшүндә икигат иштиракы ҝөстәрди ки, Тәбриз халгы, Иран халгынын галан һиссәси кими, ҹанлы вә ҝүмраһдыр вә белә бир халг һеч вахт дүшмәнин сијаси ојунларына вә һијләләринә алданмајаҹаг.
Ингилаб Рәһбәри бу или Иран халгынын "бөјүклүјү, ирадәси, мөһкәм гәтијјәти вә диҝәр имканларынын" дәфәләрлә ашкар едилдији бир ил кими характеризә едәрәк әлавә етди: Халг, дәфәләрлә ҝүҹ вә дөзүмлүлүк нүмајиш етдирмәси илә Ираны гүрурландырыб вә әзиз едиб вә бу ҝүнләрдә хариҹә сәјаһәт едән рәсмиләр һәмин өлкәләрин рәсмиләри илә ҝөрүшәркән милләтимизин хүсуси бир нүфуза малик олдуғуну јахшы һисс едирләр.
Һәзрәт Ајәтуллаһ Хаменеи, Деј ајынын фитнәсинин маһијјәтини вә өлчүләрини "дүшүнҹә вә тәһлил әһли"нин дили илә изаһ етмәли олдуғуну зәрури һесаб едәрәк бујурдулар: Баш верәнләр бир нечә гәзәбли ҝәнҹ вә јашлы инсанын һәрәкәти вә иғтишашлары дејил, Иран халгынын ајаглары алтында әзилән "планлашдырылмыш чеврилиш" иди.
Ајәтуллаһ Хаменеи бу факты изаһ едәрәк әлавә етди: АБШ вә сионист режимин кәшфијјат вә ҹасуслуг хидмәтләри, бәзи диҝәр өлкәләрин кәшфијјат хидмәтләринин көмәји илә, өнҹәдән шәр инсанлары вә ја кечмиши писликлә долу оланлары ҹәлб етмиш, хариҹдә тәлим кечмиш, онлара пул вә силаһ вермиш, һәрби вә һөкумәт мәркәзләринә тәхрибат вә һүҹум етмәк үчүн евләринә ҝөндәрмишләр ки, онлар да Деј ајынын орталарында лазыми вахтда мејдана дахил ола билсинләр ки, Деј ајынын орталарында мејдана атылдылар.
Ингилаб Рәһбәри "тәҹрүбәсиз вә садә инсанлара тәсир ҝөстәрмәји вә онлары гәзәбләндирмәји" фитнәкар лидерләр вә онларын әмәлијјат үнсүрләри тәрәфиндән атылан даһа бир аддым һесаб едәрәк деди:
Тәлим кечмиш елементләр бу ҹүр шәхсләри ирәли ҝөндәрдиләр вә онлар өзләри мүхтәлиф силаһлар вә "зоракы вә еһтијатсыз һәрәкәт" сијасәти илә мејдана ҝирдиләр вә ИШИД кими гәрибә зоракылыгла "инсана од вуруб дири-дири јандырдылар, өлдүрдүләр вә мәһв етдиләр".
Үмүдүнја Мүсәлманларынын АлиЛидери, бу тәдбирләрин әсас мәгсәдинин Ислам Һакимијјәти системинин тәмәлләрини сарсытмаг олдуғуну билдирәрәк гејд етди: Әлбәттә ки, тәһлүкәсизлик гүввәләри, Бәсиҹ вә СЕПАҺ, еләҹә дә чох сајда инсан иғтишашчылара гаршы дурду вә бүтүн бәһанәләрә вә бөјүк хәрҹләрә бахмајараг, "чеврилиш" ачыг шәкилдә мәғлуб олду вә милләт галиб ҝәлди.
Ајәтуллаһ Хаменеи “22 Деј вә 22 Бәһмән ајларындакы һејрәтедиҹи јүрүшләри “Илаһи әламәтләр” һесаб едәрәк вурғуладылар: Дүшмәнин кин-күдурәтини вә мәкирли планларыны бу шәкилдә мәғлуб едә билән әзиз милләт бу ајдын Илаһи уғуру “һазырлыг, сајыглыг вә милли бирлик” илә горумалыдыр.
Иғтишашларда төкүлән ганла бағлы әлавә едиб: “Фитнә лидерләри вә чеврилишчиләр арасында олан бәзиләри ҹәһәннәмә васил олдулар ки, онларын иши Аллаһла галыб, амма биз өлән о диҝәр үч групу да өз өвладымыз һесаб едирик вә һамысына јас тутуруг”.
О, биринҹи груп иткиләри, јәни “тәһлүкәсизлик гүввәләри, Бәсиҹ, Сепаһ вә онлары мүшајиәт едән инсанлары” ҹәмијјәтин вә системин тәһлүкәсизлији, сүлһү вә сағламлығынын али шәһидләри адландырды вә әлавә етди: Икинҹи груп иткиләри, јолдан кечәнләр вә ҝүнаһсыз инсанлар да шәһиддирләр; чүнки онлар дүшмәнин гурдуғу фитнәдә ҝүлләләниб вә һәјатларыны итирибләр.
Ингилаб Рәһбәри даһа сонра әлавә етди: Үчүнҹү груп гурбанлар “садәҹә алдадылмыш вә фитнәкарлара гошулмушлар”дыр; Онлар да биздәндирләр вә өвладларымыздандырлар, биз дә онлара јас тутуруг вә бүтүн гурбанлар үчүн Аллаһдан рәһмәт вә бағышланма диләјирик.
Ислам Ингилабынын Али Рәһбәри әлавә етди: Һәбс олунмајан вә ја зиндана дүшмәјән бу алдадылмыш инсанларын бәзиләри мәнә пешман олдугларыны билдирәрәк бағышланма диләдикләрини јазыблар.
Ајәтуллаһ Хаменеи америкалыларын ИШИД-ин јаранмасыны етираф етмәсинә тохунараг деди: ИШИД аз-чох јоха чыхыб, амма бунлар "јени ИШИД"дир вә бүтүн рәсмиләр вә инсанлар бу мәсәләдә диггәтли олмалыдырлар; хүсусән дә ҝәнҹләр кимин онлара нә дедији вә һансы тәклифләр вердијинә диггәт јетирмәли вә ајыг олмалыдырлар.
Ингилаб Рәһбәри вурғулады: Халг фитнәкар иғтишашчыларын әсас групунун тәгиб олунмасыны вә ҹәзаландырылмасыны тәләб едир. Мәһкәмә вә тәһлүкәсизлик органлары да онлары ҹәзаландырмаға, дүшмәнә "сөзлә, тәһлиллә вә әмәллә" јолдашлыг едәнләрлә исә әдаләтли давранмаға борҹлудур.
Ислам ИнгилабынынАли Рәһбәри давам етди: Чох ҝүман ки, Американын Ислам Республикасы илә бағлы нөвбәти планы да ејни үслубда вә ејни һәрәкәтләрлә олаҹаг; әлбәттә ки, шүбһәсиз ки, Аллаһын лүтфү илә, милләтин һазырлығы вә ҹанлылығы нәзәрә алынмагла, һәр һансы бир белә аддым милләтин гәтијјәтли реаксијасы илә мәһв едиләҹәк.
Ингилаб Рәһбәри чыхышынын диҝәр һиссәсиндә Американын чохсајлы игтисади, сијаси вә сосиал проблемләрини Америка империјасынын тәнәззүлүнүн вә јох олмасынын әламәтләри кими характеризә едәрәк деди: Американын бизимлә бағлы проблеми Ираны удмаг истәмәсидир, лакин Иран халгы вә Ислам Республикасы онларын мәгсәдләринә чатмаларына мане олур.
О, АБШ президентинин тәһдид долу сөзләрини Иран халгына һаким олмаг истәкләринин ҝөстәриҹиси һесаб едәрәк әлавә етди: Иран халгы Ислам вә Шиә дәрсләрини јахшы билир вә нә вахт нә едәҹәјини чох јахшы билир.
Ајәтуллаһ Хаменеи Имам Һүсејнин (ә) “Мәним кими биринин Језид кими биринә бејәт етмәјәҹәј”инә даир тарихи бир ачыгламасына тохунараг гејд етди: Иран халгы һәмчинин дејир ки, бизим кими бир милләт, белә бир мәдәнијјәтә, тарихә вә јүксәк тәһсилә малик олан бир милләт, Американы идарә едән фасиг вә коррупсионер инсанлар кими биринә бејәт етмәјәҹәк.
О, "мәшһур бәднам Епштејн адасы" мәсәләсиндә һејрәтамиз фәсадын ашкарланмасыны Гәрб сивилизасијасынын вә либерал демократијанын реаллығынын әкси адландырараг әлавә етди: Гәрб лидерләринин фәсады һаггында ешитдикләримиз бир јана, бу аданын мәсәләси дә бир јана. Әлбәттә ки, бу, онларын сајсыз-һесабсыз фәсад ишләринин садәҹә бир нүмунәсидир вә бу мәсәлә өнҹә кимәсә ашкар дејилди, сонра ашкар олду, даһа чох шејләр вар ки даһа сонра ашкар олаҹаг.
Ингилаб Рәһбәри АБШ һөкумәт рәсмиләринин вә АБШ-да фәалијјәт ҝөстәрән сионист медианын өлкәмизә гаршы тәблиғат вә бәјанатларындакы тәһдид атмосферинә тохунараг деди: Сиз, Тәбриз халгы вә Иран халгы, 22 Бәһмән ҝүнү онларын тәһдидләринә вә ҹәфәнҝијатларына ҹаваб вердиниз вә билдирдиниз ки, тәһдидләрин нәинки һеч бир тәсири јохдур, әксинә милләтин мотивасијасыны даһа да ҝүҹләндирир.
Америкалыларын мүһарибә тәһлүкәсинә бахмајараг, сијаси, игтисади вә бејнәлхалг нүфуз вә етибарлылыг проблемләри үзүндән бу ишин дөөһдәсиндән ҝәлә билмәдикләрини анладыгларыны вурғулајан Һәзрәт Ајәтуллаһ Хаменеи әлавә етди: Онлар чох јахшы билирләр ки, әҝәр сәһв етсәләр, онлары нә ҝөзләјир.
Ајәтуллаһ Хаменеи фәсад вә коррупсијаја гуршанмыш залым Америка империјасынын сүгутунун диҝәр бир әламәтини онларын иррасионаллығы һесаб едәрәк деди: Онларын иррасионаллығынын сүбуту Иран мәсәләләринә, о ҹүмләдән бизим ваҹиб мәсәләләримиздән бири олан силаһ мәсәләсинә мүдахиләләридир.
О, "милләтин чәкиндириҹи силаһлара саһиб олмасыны" зәрури вә ваҹиб адландырараг әлавә етди: Горујуҹу силаһы олмајан һәр һансы бир өлкә дүшмәнләринин ајаглары алтында әзиләҹәк, лакин америкалылар силаһ мәсәләсинә мүдахилә етмәклә филан нөв вә ја мәнзилли ракетләрә саһиб олмамалысыныз дејирләр. Бу мәсәлә Иран халгына аид олан мәсәләдир вә онларла һеч бир әлагәси јохдур.
Ингилаб Рәһбәри АБШ-ын Иранын өлкә идарәчилији, тибби, кәнд тәсәррүфаты вә енержи мәгсәдләри үчүн динҹ нүвә сәнајесиндән истифадә етмәк һүгугуна мүдахиләсини онларын диҝәр иррасионал һәрәкәтләриндән бири һесаб едәрәк америкалылара мүраҹиәт етди: Бу мәсәлә Иран халгы илә бағлыдыр. Бунун сизинлә нә әлагәси вар?
Халгын "нүвә енержиси бизим ајрылмаз һүгугумуздур" шүарына тохунараг Имам Хаменеи һәзрәтләри деди: Нүвә гурғуларындан вә зәнҝинләшдирмәдән истифадә етмәк һүгугу Бејнәлхалг Атом Енержиси Аҝентлијинин мүгавилә вә гајдаларында бүтүн өлкәләр үчүн дә таныныр вә америкалыларын милли һүгуглара мүдахиләси онларын һазыркы вә кечмиш рәсмиләринин гејри-гануни дүшүнҹә тәрзини әкс етдирир.
Ајәтуллаһ Хаменеи америкалыларын даһа гәрибә иррасионаллығыны данышыглара дәвәт кими гијмәтләндирди вә гејд етди: Онлар дејирләр ки, ҝәлин нүвә енержиси барәдә данышыглар апараг, амма данышыгларын нәтиҹәси о олмалыдыр ки, сиздә нүвә енержиси олмамалыдыр!
О, данышыгларын баш тутаҹағы тәгдирдә нәтиҹәнин әввәлҹәдән мүәјјәнләшдирилмәсинин сәһв вә ахмаглыг олдуғуну вурғулајараг әлавә етди: Бу ахмаг иши һөкумәт, президент вә бәзи АБШ сенаторлары едир вә онлар бу јолун онлар үчүн бағлы олдуғуну дүшүнмүрләр.
АБШ президентинин дүнјанын ән ҝүҹлү ордусуна саһиб олмаг барәдә дәфәләрлә етдији тәһдидләринә тохунан Ингилаб Рәһбәри вурғулады: Һәтта дүнјанын ән ҝүҹлү ордусуна белә бәзән елә шиллә дәјә биләр ки, ајаға галха билмәз.
Американын диҝәр тәһдиди вә аддымларыны, јәни Ирана һәрби авијадашыјан ҝәми ҝөндәрилмәси илә бағлы Һәзрәт Ајәтуллаһ Хаменеи бујурду: Әлбәттә ки, ҝәми тәһлүкәли бир ҹиһаздыр, амма даһа тәһлүкәлиси исә ҝәмини дәнизин дибинә чөкдүрә биләҹәк силаһдыр.
АБШ президентинин ингилабдан 47 ил кечмәсинә бахмајараг Ислам Республикасыны мәһв едә билмәдијини етираф етмәсинә тохунан Ајәтуллаһ Хаменеи вурғулады: Бу, јахшы бир етирафдыр. Әлбәттә ки, мән сизин дә буну едә билмәјәҹәјинизи дејирәм, чүнки Ислам Республикасы халгдан ајры бир һөкумәт дејил, әксинә, сон 47 илдә тәрәггиси үчүн чалышмыш, сәј ҝөстәрмиш вә чох чалышмыш ҹанлы, мөһкәм вә ҝүҹлү бир милләтә ҝүвәнир.
О, ингилабын илк ҝүнләриндә дүшмәнин Ислам Республикасынын назик фиданыны көкүндән гопармагда аҹиз галдығына тохунараг әлавә етди: Аллаһа шүкүрләр олсун ки, бу ҝүн Ислам Республикасы мүбарәк, һүндүр вә бәрәкәтли бир ағаҹ вә бол имканлара малик бир өлкәдир. Әзиз вә һөрмәтли дөвләт мәмурлары бу фүрсәтләрдән истифадә етмәли вә мөвҹуд инфлјасијаны вә милли валјутанын дүшән дәјәрини дүзәлтмәк үчүн сәјләрини икигат артырмалыдырлар. Чүнки, һәм инфилјасија һәм дә валјутамызын дәјәрдән дүшмәси мәнтигсиздир. Үмид едирәм ки, Аллаһын изнилә бунлар дүзәләҹәкдир.
Ингилаб Рәһбәри башланан ишләрин бүтүн аспектләрини ҹидди, диггәтлә вә нәзәрә алараг давам етдирмәји, проблемләри һәлл етмәји вә бизнес мүһитини сакитләшдирмәји мәмурларын вәзифәси олараг гејд етди вә билдирди: Тәһдид варса, тәһлүкәни нејтраллашдыран системләр дә мөвҹуддур. Она ҝөрә дә, инсанлар нараһат олмадан ишләрини вә һәјатларыны, тәһсилләрини, бизнесләрини вә тиҹарәтләрини давам етдирсинләр.
Sizin rəyiniz