Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Түркијә Хариҹи Ишләр Назири мөвҹуд шәраитдә АБШ вә Иран Ислам Республикасы арасында јахын заманларда баш верә биләҹәк мүһарибә тәһлүкәси әламәти олмадығыны ачыглады.
Фидан базар ертәси ахшамы ҸНН Түрк-ә вердији телевизија мүсаһибәсиндә "Иранда һава һүҹумлары вә ја диҝәр үсулларла режимин дәјишдирилмәсинин гејри-реал бир фикир олдуғуну" вурғулајараг әлавә едиб: "Ән азы һазырда ҹидди вә ја гачылмаз мүһарибә тәһлүкәси јохдур."
Теһран вә Вашингтонун јени бир разылыға ҝәлмә еһтималы илә бағлы о дејиб: "Ҝәлин белә бир еһтималын мөвҹуд олдуғуну фәрз едәк; әслиндә диалог гапысы азча да олса ачылыб."
Түркијә хариҹи ишләр назири изаһ едиб: “Һәр ики тәрәф вахт газанмаға чалышыр вә бу, онларын үмуми стратеҝијасынын бир һиссәсидир. Әлбәттә ки, бүтүн данышыглар алтернатив ссенариләрә һазырлыг тәләб едир. Иран бу бахымдан бөјүк тәҹрүбәјә маликдир, чүнки кечмишдә охшар шәраитдә дәфәләрлә хариҹи һүҹумларын һәдәфи олуб вә данышыглары давам етдириб.”
Фидан әлавә едиб: “Сон һүҹумдан сонра Америка рәсмиләри мәнимлә әлагә сахлајараг Иран тәрәфинә јахын саатларда һәр шејин баш верә биләҹәји барәдә месаж чатдырмағымы истәдиләр.”
О, һәмчинин билдирди: “Иранлыларын һазырда нүвә силаһы јохдур вә онларын нүвә силаһы јаратмаг нијјәтиндә олдуглары барәдә етибарлы мәлумат да јохдур.”
Иранын нүвә силаһы әлдә етмәси һалында Түркијә үчүн потенсиал тәһлүкәсизлик тәһдиди илә бағлы суала ҹаваб олараг Түркијә хариҹи ишләр назири билдириб:
“Биз реҝионал ҝүҹ тәнликләриндә һәр һансы бир фундаментал дәјишиклик истәмирик. Бөлҝәдә силаһланма јарышынын башламасынын гаршысыны алмаг үчүн мөвҹуд баланс горунмалыдыр”.
Фидан хәбәрдарлыг едиб ки, бу баланс позуларса, диҝәр өлкәләр дә нүвә гүдрәти әлдә етмәјә чалышаҹаглар вә бу, Түркијәни истәмәсә белә, нүвә силаһланма јарышына мәҹбур едә биләр.
Sizin rəyiniz