Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Јәмән Әнсаруллаһ Һәрәкаты, сионист режимин дәниз мүһасирәсини поздуғуна ҝөрә Әдән көрфәзиндә Британијанын "Марлин Луанда" нефт танкеринә етдији уғурлу һүҹуму хатырладараг, Сәнанын реҝион суларында Американын "Абраһам Линколн" авиадашыјыҹысына гаршы там һазыр олдуғу барәдә бир даһа хәбәрдарлыг едиб.
Сәнадакы һәрби мәнбә билдириб ки, Јәмән Әнсаруллаһ Һәрәкаты АБШ-нин һеч бир ҝәмисинин вә авиадашыјыҹысынын Гырмызы дәниз вә Әрәб дәнизинә јахынлашмасына иҹазә вермәјәҹәк вә бу һәрби техникалары Јәмәнә гаршы тәһдид һесаб едир.
Бу мөвге, бөлҝәдә ҝәрҝинлијин артмасы вә "Абраһам Линколн" авиадашыјыҹысынын реҝиона дахил олмасы илә ејни вахтда бәјан едилиб.
Һәмин һәрби рәсми вурғулајыб ки, АБШ-нин сон һәрәкәтләриндән, хүсусән дә әввәлләр Јәмән тәрәфиндән һәдәф алынан "Абраһам Линколн" ҝәмисинин рәһбәрлији алтында "зәрбә групу"нун јерләшдирилмәси еланындан сонра, Јәмән силаһлы гүввәләри дөјүш һазырлығы сәвијјәсини ән јүксәк һәддә чатдырыб.
Sizin rəyiniz