Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Хариҹи Ишләр Назирлијинин сөзчүсү, Франса Президенти Еммануел Макронун америкалы һәмкары Доналд Трамп тәрәфиндән ифша едилән вә Макронун Трампа Иранла бағлы "бөјүк ишләр ҝөрә биләрик" тәклифини вердији сөзләри илә бағлы ИРНА-нын суалына ҹаваб олараг дејиб: "Сијасәт апармаг, сахланылмасына һеч бир зәманәт олмајан шәхси исмарыҹлар ҝөндәрмәклә олмур; әксинә, өлкәләр бејнәлхалг просесләрлә бағлы мәсулијјәтли давранмалыдырлар."
Хариҹи Ишләр Назирлијинин сөзчүсү Исмајыл Бәгаји, бу ҝүн - базар ертәси, 26 јанвар тарихиндә кечирилән мәтбуат конфрансында "Гази вә Кешикчи" ҝүнүнә тохунараг билдириб: "Өлкәнин мүдафиәси үчүн ҹанларындан кечән бүтүн фәдакар кешикчиләрә вә газиләрә Салам ҝөндәрирәм. Бөлҝәдәки һадисәләр чох ахыҹы вә сүрәтлидир; Исраил режиминин фитнәкарлығы һәлә дә Гәрби Асија, Ливан, Фәләстин, Сурија вә ондан кәнарда јашанан хаосун әсас көкүдүр. Гәззада ҝөрүнән атәшкәсә бахмајараг, фасиләсиз һүҹумларын шаһиди олуруг. Һәмчинин бу режимин Ливан вәтәндашларына гаршы һүҹумлары давам едир; белә ки, өтән ҝеҹә Ливан һава мәканынын 15 дәфә позулмасы гејдә алыныб вә өтән илин нојабр ајындан бәри 6 миндән чох атәшкәс позунтусу баш вериб."
Хариҹи Ишләр Назирлијинин сөзчүсү АБШ-нин бөлҝәдәки һәрәкәтлилији вә Көрфәз Әмәкдашлыг Шурасы үзвләри илә кечирдији тәлимләрә ҹаваб олараг дејиб: "Биз һибрид мүһарибә илә үз-үзәјик. Сионист режимин ијун ајында Ирана гаршы һәрби тәҹавүзүнүн давамы олараг, сон бир нечә ајда һәр ҝүн АБШ вә сионист режим тәрәфиндән јени иддиа вә тәһдидләрлә гаршылашмышыг."
Бәгаји әлавә едиб: "Бөлҝә өлкәләри јахшы билирләр ки, бөлҝәдәки һәр һансы гејри-сабитлијин һәдәфи јалныз Иран дејил вә тәһлүкәсизлик проблемләри јолухуҹудур. Мәһз буна ҝөрә дә бөлҝә өлкәләри арасында ортаг бир нараһатлыг вар. Әслиндә, сүлһә вә бејнәлхалг һүгуга һөрмәтлә јанашан һәр бир өлкә АБШ-ын диҝәр өлкәләрә гаршы тәһдидләринә мүнасибәтдә ајдын мөвге тутмалыдыр. Иран өз потенсиалына вә әввәлки тәҹрүбәләринә, о ҹүмләдән ијун ајындакы гәһрәманлыг дөјүшү тәҹрүбәсинә ҝүвәнир вә һәр заманкиндән даһа ҝүҹлү шәкилдә истәнилән тәҹавүзә ҝенишмигјаслы вә пешманедиҹи ҹаваб верәҹәкдир."
О, сөзләринә белә давам едиб: "1948-ҹи илдән бәри сионист режимин вәтәндашы сајылан әрәбләрин гәтлә јетирилмәси илә бағлы һесабат јајымланыб. Һесабата ҝөрә, өтән ил тәхминән 260 фәләстинли әрәб өлдүрүлүб, сон бир ајда исә бу рәгәм 20-дән чох олуб. Бу, сионист режимин иргчилик сијасәтинин һәтта рәсмән бу режимин вәтәндашы олан, лакин сырф фәләстинли вә әрәб олан шәхсләрә гаршы да давам етдијини ҝөстәрир. Бу, инсан һүгуглары үзрә кечмиш мәрузәчи Мајкл Линкин 2022-ҹи илин мартында сионист режимдәки "апартеид һакимијјәти" кими адландырдығы һәмин реаллығын ҝөстәриҹисидир."
Бәгаји, Иран вә АБШ арасындакы данышыгларын мүһарибә еһтималыны азалтмагда тәсирли олуб-олмајаҹағы вә Иранын Исраилә гаршы габаглајыҹы һүҹум еһтималынын олуб-олмамасы барәдә суала ҹаваб олараг дејиб: Сиз һеч вахт нә баш верәҹәјини фәрз едә билмәзсиниз. Биз өзүмүзү мүдафиә етмәк үчүн фөвгәладә потенсиала маликик вә кечмишлә мүгајисәдә даһа чох һазырыг. Бу бизим мәсулијјәтимиздир; Иранын иззәтини, милли суверенлијини вә әрази бүтөвлүјүнү мүдафиә етмәк бизим вәзифәмиздир.
О әлавә едиб: Неҹә реаксија верәҹәјимизә ҝәлинҹә, бу чох ајдындыр. Даһа әввәл дә ҝөстәрдијимиз кими, һәр һансы тәҹавүзә вә һәр һансы тәһдидә гаршы гәтијјәтлә, бүтүн ҝүҹүмүзлә вә һәртәрәфли шәкилдә мүтләг ҹаваб верәҹәјик. Тәфәррүатлар барәдә данышмағын јери нә бурадыр, нә дә бу мәним ихтисасым дахилиндәдир. Бизим силаһлы гүввәләримиз Иранын һүдудларыны неҹә мүдафиә етмәји чох јахшы билирләр.
Sizin rəyiniz