Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: “Әл-Ҹәзирә”нин мәлуматына ҝөрә, Американын “The Wall Street Journal” гәзети мајын әввәлиндә тәрәфләр арасында атәшкәсдән әввәл АБШ Һәрби Дәниз Гүввәләри илә Әнсар Аллаһ һәрәкаты арасында баш верән шиддәтли тоггушмалар һаггында әтрафлы мәлумат дәрҹ едиб.
Һесабатда гејд едилир ки, Америка рәсмиләри инди проблемли дүшмәнин дүнјанын ән јахшы дәниз донанмасы олан УСС Һаррј Труман тәјјарәдашыјан ҝәмисинә неҹә мејдан охуја билдијини мүәјјән етмәк үчүн мүнагишәни тәһлил едир.
Wall Street Journal-ын ики мүхбири тәрәфиндән һазырланан һесабатда, кечән ај Американын Ф-18 Супер Һорнет дөјүш тәјјарәсинин Гырмызы дәниздәки Труман тәјјарәдашыјыҹы ҝәмисинә енмәјә чалышдығы, лакин онун јавашлама системинин уғурсуз олдуғу вә 67 милјон доллар дәјәриндә олан дөјүш тәјјарәсинин дашыјыҹынын учуш-енмә золағындан сүрүшәрәк дәнизә дүшдүјү билдирилир.
Бу, беш ајдан аз мүддәтдә Труманда вурулмуш үчүнҹү Америка дөјүш тәјјарәси иди. Һадисә АБШ президенти Доналд Трампын јәмәнлиләрлә атәшкәс елан етмәсиндән бир нечә саат сонра баш вериб вә Пентагон рәсмиләрини тәәҹҹүбләндириб.
Јәмән дүнјанын ән ҝүҹлү донанмасына мејдан охујур
Јәмәнлиләр АБШ үчүн тәәҹҹүблү дәрәҹәдә нәһәнҝ бир рәгиб олуб, АБШ Һәрби Дәниз Гүввәләри Икинҹи Дүнја Мүһарибәсиндән бәри ҝөрдүјү ән шиддәтли дөјүшләрдә иштирак едир; вә буна бахмајараг, јәмәнлиләр исә ән садә шәраит вә илкин имканлардан белә мәһрумдурлар вә ејни заманда дүнјанын ән касыб өлкәләриндән бириндә јашајырлар.
2023-ҹү илин сонундан етибарән 30-а јахын ҝәми Гырмызы дәниздә дөјүш әмәлијјатларында иштирак едир ки, бу да АБШ Һәрби Дәниз Гүввәләринин үмуми актив донанмасынын 10 фаизини тәшкил едир. АБШ рәсмисинин сөзләринә ҝөрә, АБШ бу мүддәт әрзиндә Јәмәни бомбаламаг үчүн 1,5 милјард долларлыг сурсатдан истифадә едиб. Бу рәсми ачыгламадыр, гејри-рәсми мәлуматлара ҝөрә исә АБШ-ын бу мүнагишәдә сәрф етдији сүрсатларын дәјәри 3 милјарада јахындыр. Бүтүн бунлара бахмајараг Бирләшмиш Штатлар Гырмызы дәниздә навигасијаны бәрпа етмәк кими стратежи мәгсәдинә наил ола билмәјиб, јәмәнлиләр исә Фәләстин торпагларыны ишғал етмиш мүһаҹир јәһудилләрин Исраил адлы гондарма режиминә мүнтәзәм олараг ракет зәрбәләри ендирмәкдә давам едир.
АБШ һәрби командирләри вә конгрес рәсмиләри Јәмәндәки фәалијјәтләрин АБШ гүввәләринин үмуми һазырлығыны сарсытмасындан нараһат олараг Јәмәндәки мүнагишәдән дәрс алмаг үчүн фактарашдырыҹы миссијаја башлајыблар. Пентагон һәмчинин АБШ гырыҹыларынын вурулмасы вә USS Truman тәјјарәдашыјан ҝәмисинин Гырмызы дәниздә ајрыҹа тоггушмасы илә бағлы арашдырмалар апарыр вә нәтиҹәләри јахын ајларда мәлум олаҹаг.
Хатырладаг ки, Гәззада мүһарибә башлајандан бәри јәмәнлиләр Гырмызы дәниздән кечән Исраил ҝәмиләринә һүҹум етмәјә башлајыб, Јәмән ракетләри вә пилотсуз тәјјарәләри исә ишғал алтындакы Фәләстинә зәрбәләр ендирмәкдә давам едир.
Јәмәнлиләр 19 октјабр 2023-ҹү илдә Гырмызы дәниздә 10 саатлыг дөјүшдә USS Carney ҝәмисинә илк ракет вә дрон һүҹумларыны һәјата кечирәрәк ҝәминин дәнизчиләрини тәәҹҹүбләндирдиләр.
2023-ҹү ил октјабрын 19-да јәмәнлиләрлә америкалылар арасында баш верән дөјүш, тәхминән бир әсрин ән шиддәтли дөјүшү кими тәсвир едилиб ки, бу дөјүшдә јәмәнлиләр ондан чох пилотсуз тәјјарә вә дөрд ганадлы ракети вурублар.
Јәмәнлиләр һүҹумларыны ҝүҹләндирмәклә һәдәләдикдә, АБШ һәрби рәсмиләри Гырмызы дәниздәки лоҝистик проблемләринин һәллини тез бир заманда ахтармаға башладылар вә нәһајәт, Гырмызы дәниздә бир лиман тапдылар. Бир АБШ рәсмиси бу лиманы ојуну дәјишдирән лиман кими тәсвир етди, чүнки бу лиман, АБШ Һәрби Дәниз Гүввәләринин ҝәмиләринә әмәлијјатлар мәканларындан ајрылмадан јенидән тәҹһизат вермәјә имкан верирди.
Лакин Јәмән әмәлијјатларынын сүрәти АБШ Һәрби Дәниз Гүввәләринә ҹидди тәсир ҝөстәрди; Чүнкин даим Јәмән Силаһлы Гүввәләринин атәши алтында галан USS Dwight Eisenhower једди ајлыг мүнагишә заманы Гырмызы дәнизә јалныз бир гыса сәфәр едә билди.
Sizin rəyiniz