Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иранын Јајым Аҝентлији ИРИБ реҝиондакы мәлуматлы мәнбәләрә истинадән јазыб: Иранын Кәшфијјат Хидмәти ЕТТЕЛААТсионист режимин хејли сајда стратежи вә һәссас мәлумат вә сәнәдләрини, о ҹүмләдән бу фашист режимин нүвә планлары вә објектләри илә бағлы минләрлә һәјати сәнәдләрини әлдә едиб.
Фашист ишғалчы режимин Дахили Тәһлүкәсизлик Аҝентлији (Шинбет) вә полиси 17 ҝүн әввәл вердији ачыгламада билдириб ки, сионист режимин шималында јерләшән Һајфа шәһәриндә “Нәшр” мәнтәгәсиндән олан 24 јашлы Рој Мизраһи вә Олмог Атиас Иранла әмәкдашлыгда иттиһам олунараг һәбс едилибләр.
Гејд олунан шәхсләрин һәбси, әҝәр бу јахынларда баш верәнләрлә бағлы оларса, ишғал олунмуш әразиләрдән сәнәд партијалары Иран Ислам Республикасына ҝетдикдән сонра баш вериб.
Бу мәнбәләр гејд едибләр ки, сөзүҝедән сәнәдләрин әлдә едилмәси әмәлијјаты бир мүддәт әввәл һәјата кечирилсә дә, сәнәдләрин чохлуғу вә бүтүн јүкләрин тәһлүкәсиз шәкилдә өлкәјә дашынмасы зәрурәти онларын һамысынын нәзәрдә тутулан мүһафизә олунан әразиләрә чатдырылмасы үчүн хәбәр сүкутуна сәбәб олуб.
ИРИБ анҝентлијинин мәлуматына әсасән: Сәнәдләрин чохлуғу о гәдәрдир ки, онларын һамысына бахмаг, шәкилләр вә видеолары изләмәк хејли вахт апарыб.
ИРИБ бу бөјүк кәшфијјат наилијјәти һаггында даһа чох мәлумат әлдә етмәк үчүн ахтарышларыны давам етдирир.
Sizin rəyiniz