Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислам Ингилабынын Рәһбәри Һәзрәт Ајәтуллаһ Хаменеи һәҹҹ мөвсүмү мүнасибәтилә бағлы месаж верибләр. Зати Алиләри бу месажда һәҹҹин мәрифәт вә онун инсан ҹәмијјәтинә вердији дәрсләри илә мүшајиәт олунмасыны бу ҝүн Ислам дүнјасынын дәрдләринин дәрман һесаб едибләр.
Имам Хаменеи һәзрәтләри, ганичән фашист Исраил режимин Гәззада төрәтдији ҹинајәт вә вәһшиликләринә тохунараг, Гәззада сојгырым вә бәшәри фәлакәтин давам етмәсинин гаршысыны алмаға чағырыблар.
Һәзрәт Ајәтуллаһ Хаменеи сионист режимин әсас дәстәкчиси олан Америкаја тәзјиг ҝөстәрмәји, онун сионист режимә вердији јардым вә дәстәјинин гаршысыны алмагда тәсирли һесаб едиб вә халглары һөкумәтләрдән бу вәзифәни јеринә јетирмәји тәләб етмәјә чағырыблар.
Һәзрәт Ајәтуллаһ Хаменеи Ислам дүнјасынын Һәҹҹ дәрсләрини һәр заманкиндән даһа чох тәтбиг етмәјә еһтијаҹ дујдуғуну билдириб.
Үмүдүнја Мүсәлманларынын Али Лидери, Гәззада баш верән бәшәри фәлакәтин гаршысында кимин дајанмалы олдуғу суалыны галдырараг әлавә едибләр: Шүбһәсиз ки, Ислам дөвләтләри бу вәзифәни јеринә јетирмәли олан илк өлкәләрдир вә һөкумәтләрдән буна әмәл етмәји тәләб едәнләр исә халглардыр.
Sizin rəyiniz