ҺӘМАС һәрәкаты бәјанат јајараг елан едиб ки, ишғал олунмуш Фәләстин әразиләриндәки мәсҹидләрдә сионист режим тәрәфиндән азан верилмәсинин гаршысынын алынмасы дини мүһарибәдир.
ҺӘМАС Ислами Мүгавимәт Һәрәкаты фашист Исраил режимин дахили тәһлүкәсизлик назири Итамар Бен-Гујерин ишғал олунмуш Фәләстин әразиләриндәки мәсҹидләрдә азан охунмасынын гаршысынын алынмасы илә бағлы әмринә ҹаваб олараг базар ҝүнү вердији бәјанатда билдириб: “ҺӘМАС Ислами Мүгавимәт Һәрәкаты, 1948-ҹи илдә ишғал олунмуш Фәләстин әразиләриндәки мәсҹидләрдә азан сәсинин јајымынын гаршысыны алмаг үчүн ишғалчы Исраил режимин екстремист назири Итамар Бен-Ҝујеринин вердији әмринин тәһлүкәли нәтиҹәләри барәдә хәбәрдарлыг едир.”
ҺӘМАС вурғулајыб: “Бу ҹүр һәрәкәтләр бүтүн дүнја мүсәлманларынын дујғуларыны гызышдырмагдыр, вә ишғалчы режимин һәр ҝүн артан тәҹавүзүнун бариз нүмунәсидир ки, мәсҹидләр вә Ислами мүгәддәс мәканлар белә бу тәҹавүзләрдән истисна дејилдир.
Һәрәкат бәјан едиб: “Биз ишғалчыларын бу сијасәтинә, ибадәт, ајин вә мүгәддәс јерләри һәдәф алан дини мүһарибәјә гәти шәкилдә гаршыјыг. Бу һәрәкәт мүгәддәс јерләрин, дини вә тарихи һүгугларын горунмасыны тәмин едән бүтүн бејнәлхалг ганунлара ачыг шәкилдә зиддир.”
ҺӘМАС даһа сонра елан едиб: “Ишғалчы режим һакимијјәтинин ифрат сағчы һөкумәт вә назирләринин билаваситә дәстәји илә фәләстинлиләрә, онларын мәсҹидләринә вә мүгәддәс мәканларына гаршы ҝетдикҹә артан тәҹавүзләри ишғалчылар үчүн ҹидди проблемә чеврилиб вә бу тәһлүкәли ҝәрҝинлијә гаршы халгын гәзәб далғасынын артмасына сәбәб олаҹаг.”
ҺӘМАС һәрәкаты сөзләрини белә јекунлашдырыб: “Ишғал олунмуш әразиләрдәки Фәләстин халгынын өвладларыны мәсҹидләрин вә мүгәддәс јерләрин мүдафиәси үчүн иҹтимаи вә милли аддымлары артырмаға, тарихи вә дини һүгугларымызы позмаға чалышан һәр кәсә ачыг месаж ҝөндәрмәјә чағырырыг.”
Sizin rəyiniz