Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислам Ингилабынын Али Мәгамлы Рәһбәри бу ҝүн сәһәр (17\05\2025 тарихидә) минләрлә мүәллим вә маариф ишчиси илә кечирдији ҝөрүшүндә иҹтимаијјәтдә мүәллимләрин лајигли сималарла чәкилмәсини вә иҹтимаи рәјдә ҹазибәдар, шән вә севимли мүәллим образынын јарадылмасыны зәрури һесаб едәрәк, мәсул гурумлары бәдии вә медиа ишләри илә бу вәзифәни һәјата кечирмәјә чағырыблар.
Имам Хамене һәзрәтләри, бәзи тәлим вә тәрбијјә вәзифәләринин аутсорсинҝлә (хариҹи мәнбәдән вә ја ресурсдан истифадә едәрәк һәјата кечирилмәси илә) бағлы бәзи фикирләри дә јанлыш адландырыб вә вурғулајыблар: “Јени тәһсил структуру елә гурулмалы вә дәјишдирилмәлидир ки, нәтиҹәдә биликли, иманлы, ирансевәр, зәһмәткеш, ҝәләҹәјә үмидли нәсил јетишсин.”
Үмүдүнја Мүсәлманалрынын Али Лидери Ајәтуллаһ Хаменеи АБШ президентинин сон бәјанатларына да тохунараг, онун ҝүҹ вә гүдрәт игтидары васитәсилә сүлһүн бәргәрар олмасы иддиасыны јалан адландырыб.
Ислам Ингилабынын Али Рәһбәри, АБШ һөкумәтинин әрәб өлкәләринә Америкадан давамлы асылылыг тәләб едән бир модел тәтбиг етмәк сәјләринә тохунараг әлавә едиб: “Бу модел, шүбһәсиз ки, ифласа уғрады вә реҝион халгларынын сәјләри илә һәм Америка реҝиону тәрк едәҹәк, һәм дә сионист режимин фитнә, мүһарибә вә тәфригә мәнбәји олан хәрчәнҝ шишинин көкү кәсиләҹәк.”
Һәзрәт Ајәтуллаһ Хаменеи даһа сонра вурғулајараг билдирибләр: “Бәли ҝүҹлү вә гүдрәтли игтидар васитәси илә сүлһүн бәргәрар едилмәси мәсәләси доғрудур. Мәһз буна ҝөрә дә Ислам Республикасы өз гүдрәтини артыраҹаг вә дүшмәнләрин аҹығына нечә бәрабәр вә даһа бөјүк тәрәгги вә инкишафа наил олаҹаг.”
Ајәтуллаһ Хаменеи чыхышынын әввәлиндә билдирди ки, бу ҝөрүшүн мәгсәди мүәллимләрин гәдрини билмәк вә онларын мөвгејинә һөрмәт бәсләмәк олдуғуну билдирәрәк, тәһсил секторунда истәнилән мәбләғдә хәрҹләрин әслиндә өлкәнин ҝәләҹәјинә сәрмајә олдуғуну вурғуламыш вә әлавә едтмишләр: “Нә јахшы ки, мөһтәрәм Президент тәһсил мәсәләләринә хүсуси диггәт јетирир вә һөрмәтли назир дә бу гурумун мәсәләләринә бәләд олан ҝөркәмли инзибатчыдыр.”
Ајәтуллаһ Хаменеи, јахшы мәгсәд вә идејаларын һәјата кечирилмәси онларын ҹиддијјәтлә һәјата кечирилмәсиндән асылы һесаб едәрәк, сонра мүәллимләр һаггында бир нечә мәгама тохунду.
Ингилабын Рәһбәри мүәллимләрә мәишәт јардымы ҝөстәрмәкдән тутмуш, иҹтимаи рәјдә јениликчи, ҝөзәл, шән вә севимли мүәллим образы јаратмаға гәдәр онлара шәрәф вә еһтирам ҝөстәрмәји ваҹиб вәзифә һесаб едиб вә вурғулајыблар: “Мүәллимләрә һөрмәт вә рәғбәт бәсләмәнин нәтиҹәси елә олмалыдыр ки, ҹәмијјәт мүәллимләри ҹәлбедиҹи, фәал, зәһмәткеш, мәғрур, ләјагәтли шәхсијјәтләр кими ҝөрсүн, мүәллим пешәси ҝәнҹләрин мараг ҝөстәрдији пешәләр сијаһысында биринҹи јердә олсун.”
Ислам Ингилабынын Али Рәһбәри, мүәллимин белә бир образыны бәдии китаблар, филмләр, анимасијалар истеһсал етмәклә мүмкүн олдуғуна вурғуламыш вә билдирмишләр: “Бу вәзифәләр Иран Јајым Корпорасијасы вә Иршад Назирлији кими тәблиғат аҝентликләринин үзәринә дүшүр вә тәбии ки, Тәһсил Назирлији дә бундан әмәл етмәлидир.”
Ислам Дүнјасынын Али Рәһбәри башга бир фикри ифадә едәрәк, мүәллимләрин фәалијјәтинин вә тәрбијә ишинин әһәмијјәтини дүзҝүн дәрк етмәји ваҹиб һесаб едәрәк әлавә етмишләр: “Мүәллим садәҹә дәрслик тәлиматчысы дејил, онун әхлагы, давранышы, синифдә һансы формада олмасы, тәдрис кејфијјәти, тәвазөкар вә ја тәкәббүрлү олмасы, шән вә ја мәјус кими шәхсијјәт хүсусијјәтләри шаҝирдин характерини формалашдырыр вә она валидејнләриндән дә чох тәсир едир. Вә әҝәр мүәллим дәрсә бу анлајышла ҝәләрсә, өз данышығына, давранышына хүсуси диггәт јетирмиш олаҹаг.
Ајәтуллаһ Хаменеи башга бир мәгама да тохунараг, Фәрһәнҝјан Университети вә мүәллим һазырлығы мәркәзләринин әһәмијјәтини вурғулајараг билдирмишләр: “Бу университет Тәһсил вә Тәлим Назирлијинә мәхсусдур вә онун диҝәр гурумларла бирләшдирилмәси илә бағлы бәзи фикирләр һеч дә јахшы мәнада дејил.”
Имам Хаменеи һәзрәтләри, Шәһид Рәисинин дөврүндә бу университетә гәбул үчүн гојулан мејарлара тохунараг вурғуламышлар: “О критеријаларын зәифләмәсинә имкан вермәјин, чүнки бу университетин кејфијјәти елә олмалыдыр ки, ондан лазым олан сәвијјәли мүәллимләр јетишдирсин.”
Зати Алиләри, Ајәтуллаһ Сејјид Әли Хаменеи ҹәнаблары чыхышынын башга бир һиссәсиндә тәһсиллә бағлы бир нечә мәгама тохунмушдур.
Ајәтуллаһ Хаменеи биринҹи мәгамы ифадә едәрәк, тәһсилин дөвләт гуруму олдуғуну вә дөвләтдән асылы олдуғуну вурғулајараг, Ислам дөвләтинин вәзифәсини тәләбәләрин елми, техники, пешә вә дини тәһсилини тәшвиг етмәк адландырыб вә әлавә едиб: “Бәзән күнҹ-буҹагда вә һәтта назирлијин өзүндә белә тәһсилин бәзи һиссәләринин аутсорсинҝә верилмәси илә бағлы фикирләрин сәсләнмәси бир нөв гәбилә монархијасы јаратмаг демәкдир ки, бу да гәбуледилмәздир.”
Ислам Ингилабынын Али Мәгамлы Рәһбәри бәзи сабиг јүксәк вәзифәли мәмурларын тәһсилин јүксәк хәрҹләри бәһанәси илә тәһсилин бәзи һиссәләрини аутсорсинҝә вермәк тәләбләринә гәти етираз едәрәк билдирмишләр:
“Јени нәслин интеллектуал вә мәдәни тәрбијәси һөкумәтин борҹудур вә һаггыдыр, тәһсил дә һөкумәтә мәхсусдур. Һөкумәт бу вәзифәни јеринә јетирмәк үчүн мәсулијјәт дашымагла јанашы, тәһсилә, онун инкишафына пул хәрҹләмәклә фәхр етмәлидир.”
Ајәтуллаһ Хаменеи 6-18 јаш арасы милјонларла гыз вә оғланын тәһсиллә әлагәсини мисилсиз бир фүрсәт һесаб едиб. О, чыхышында суал верди ки, әҝәр бу нәһәнҝ милјонларла әһали јахшы тәһсил алмаса, биз Аллаһ вә ҝәләҹәк нәсилләр гаршысында нә ҹаваб верәҹәјик. Бу призмадан о, тәһсил структурунун тәкмилләшдирилмәси илә бағлы икинҹи мәсәләјә тохунду.
Али Мәгамлы Рәһбәр, тәһсил вә тәлим структурунун тәләбәләрин елми, мәдәни, дини тәһсилинә јөнәлмәли олдуғуну вурғулајараг, мөвҹуд структуру бу бахымдан сәмәрәсиз һесаб едиб вә әлавә етмишдир: “Једдинҹи Инкишаф Планында һөкумәтин вәзифәләриндән бири тәһсил үчүн јени тәшкилати структурун лајиһәләндирилмәсидир вә бу структур еһтијаҹлара ән ујғун олан трансформасија јанашмасы илә һәјата кечирилмәлидир.”
Ингилаб Рәһбәри тәһсилин трансформасијасы илә бағлы сәнәдин бәрпасыны вә бу сәнәд үчүн Шәһид Рәисинин заманында башлајан планын дајандырылмасынын гаршысынын алынмасыны зәрури һесаб едиб вә дејиб: “Јени тәһсил структуруну баҹарыглы, бу системдән хәбәри олан, динә вә өлкәнин мүстәгиллијинә бағлы олан шәхсләр гурмалыдыр ки, јени структур әсасында ҝәнҹләр вә јенијетмәләр тәһсил алсынлар.”
Sizin rəyiniz