Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Әл-Мустафа (с) Университетинин ректору Бангладешин сүнни алимләри илә ҝөрүшүб. Ҝөрүшдә Һүҹҹәтүл-Ислам Вәл-Мүслимин Аббаси Бангладешин сүнни алимләрини саламлајараг гејд едиб: “Ислам Ингилабы Ислам мәзһәбләринин ардыҹыллары арасында вәһдәт јаратмаг ардынҹадыр, чүнки инаныр ки, мүсәлманлар өз иззәт вә шөвкәтләрини бәрпа етмәк истәјирләрсә, бир јердә олмалы, вәһдәт вә гардашлыг ичиндә јашамалыдырлар.”
Бу стратеҝијанын әламәтләриндән бири дә Иран Ислам Республикасы тәрәфиндән мүсәлманлар арасында јахынлыг вә гардашлығын мөһкәмләндирилмәсинә көмәк етмәк үчүн јарадылмыш Ислам Мәзһәбләринин Јахынлашдырмасы үзрә Үмумдүнја Форумунун јарадылмасыдыр.
О, Иран Ислам Республикасынын кечирдији иллик Ислам Бирлији Конфрансына тохунараг хатырладыб: “Бу бејнәлхалг конфранс мүхтәлиф Ислам мәзһәбләринин бүтүн нүфузлу сималарынын иштиракы илә Ислам дүнјасынын проблемләрини бирликдә дүшүнүб мүәјјән мөвге сәрҝиләјир.”
Әл-Мустафа (с) Университетинин президенти бу бејнәлхалг елми мүәссисәнин тәгдиматыны давам етдирәрәк дејиб: “Бејнәлхалг Ислам университети олараг тәләбәләримизин 97 фаизиндән чоху 135 милләтдән олан гејри-иранлылардыр. Әл-Мустафа (с) Университети бу тәхмини стратеҝијаја әсасланараг, мүхтәлиф Ислам мәзһәбләринин ардыҹылларына онларын мәзһәбләринин тәлимләринә вә мүасир перспективә әсасланараг дини елмләри өјрәнмәк үчүн өз гапыларыны ачыб.”
Ҹәнаб Аббаси, Ислам Республикасынын залымлара гаршы мәзлум Фәләстин халгына вә диҝәр мүсәлман халгларына һәртәрәфли дәстәјини вурғулајараг дејиб: “Фәләстин әһалисинин әксәријјәтинин сүнни олдуғу һалда, демәк олар ки, Иран Ислам Республикасы Ислам өлкәләри арасында Фәләстин халгынын һүгугларыны дәстәкләмәкдә өндә ҝедән јеҝанә һөкумәтдир. Ислам Ингилабы һесаб едир ки, мүсәлманларын иззәти вә шөвкәти Ислам мәзһәбләринин вә мүсәлман халгларынын бирлији вә әмәкдашлығындан асылыдыр вә бу, бирликдә Исламын иззәтини дирчәлтмәјә гадирдир.”
Експертләр Мәҹлисинин үзвү бу јолда чәкилән әзаб вә әзијјәтләрә етираф едәрәк билдириб: “Тәбии ки, Ислам һөкүмәти бу миссијаны һәјата кечирмәк үчүн сијаси тәзјигләр, санксијалар вә диҝәр мәсәләләр дә дахил олмагла бир чох хәрҹләрә таб ҝәтирди вә әҝәр Ислам Республикасы бу ҝүн Фәләстин халгына дәстәји дајандырсајды, бу тәзјигләрин чоху давам етмәјәҹәкди. Амма тәәссүфләр олсун ки, бир чох Ислам һөкумәтләри сахта сионист режимлә сијаси вә игтисади әлагәләрә маликдирләр вә һәтта бир ҝүн бу әлагәләри кәсмәјә вә бу сахта режимин ҹан дамарыны тәмин етмәји дајандырмаға белә разы дејилләр. Диҝәр тәрәфдән, һәмин һөкумәтләр өз дини мәркәзләриндә Ислам аләминдә даим тәфригә вә ајры-сечкилик салырлар.”
О, империалист вә тәкәббүрлү режим медиасынын мүсәлманлар арасында тәфригә, бәдбинлик вә деди-году јаратмаг үчүн ҝеҹә-ҝүндүз сәј ҝөстәрдијини вурғулајараг дејиб:
“Бу ҝениш јајылмыш тәблиғат тәбии олараг мүсәлман халглар арасында јанлыш вә бәдбин имиҹ јарадыб, лакин мүсәлман алимләриндән олан ҝөзләнти, онларын шәхсән бу саһәјә дахил олараг өз милләтләрини мәлуматландырмаларыдр. Тәәссүф ки, бәзиләри бәзи әсассыз тарихи јаланлара инаныб ону јајырлар, санки бу фикирләр онларын бејнинә көк салыб вә һеч бир һалда һәгигәтә ҝөз ачмаға һәвәс ҝөстәрмирләр.”
Раис әл-Мустафа (с) Гурани-Кәримин мүхтәлиф Илаһи динләрин ардыҹылларыны дини ортаглыглар әтрафында әмәкдашлыға вә бирлијә чағырышына тохунараг дејиб:
“Гурани-Кәримин бу әмринә бахмајараг, бир Аллаһа, бир пејғәмбәрә, бир китаба, бир гибләјә инанан Ислам мәзһәбләри бәзи мәсәләләрдәки фикир ајрылығы сәбәбиндән ихтилаф вә тәфригәјә әл атмамалыдырлар. Гурани-Кәрим бир-биримизлә мүбаһисә етмәмәји төвсијә едир, чүнки белә олдугда мүсәлманларын иззәт, шрәф вә гүдрәти мәһв олар. Бу ҝүн биз елә бир вәзијјәтлә гаршылашырыг ки, Ислам бирлијинин итирилмәси сәбәбиндән бир нечә милјон сионистин ики милјарда јахын мүсәлман үзәриндә һөкмранлығы үчүн зәмин һазырланыб.”
Һүҹҹәтүл-әсләм вәл-мүслимин Аббаси сөзүнә давам етди: “Јәмәндәки ҹәсур вә шүҹаәтли дөјүшчүләр групу гәһрәманҹасына һәрәкәтләри илә ҹинајәткар режимин дәниз јолуну кәсдији һалда, бөлҝәдәки бәзи үздәнираг мүсәлман һөкумәтләрин ишғалчы режим үчүн алтернатив јоллар ачмасы тәәссүф доғурур. Мүсәлманларын шәрәф вә ифтихар јолу вәһдәт вә гардашлыгдыр вә сиз алимләр бу саһәдә габагҹылсыныз.”
Сонда Әл-Мустафа (с) Университетинин ректору алимләри тәфригә атәшинә гаршы үммәтләрини маарифләндирмәк миссијасы дашыјан пејғәмбәрләрин варисләри адландырыб вә дејиб:
“Бу ҝүн мүсәлманлар арасында мүһүм ортаг мәсәләләрә бахмајараг, өз арамызда кичик ихтилафлар үзәриндә дајанмамалы вә әсас дүшмәнләримизә лагејд галмамалыјыг. Үмид едирик ки, Ислам алимләри бу мәсәләдә өз тарихи миссија вә вәзифәсини јеринә јетирә биләрләр.”
Sizin rəyiniz