Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: 27 инсан һаглары тәшкилаты Бирләшмиш Милләтләр Тәшкилатынын Инсан Һүгуглары Шурасына үзв вә мүшаһидәчи дөвләтләрә үнванланмыш бирҝә мәктуб јајыб. Онлар Бәһрејндә инсан һагларынын вәзијјәтиндән нараһат олдугларыны билдирибләр.
Бу мәктуб Инсан Һүгуглары Шурасынын 59-ҹу сессијасы илә ејни вахтда вә Гурбан бајрамы әрәфәсиндә дәрҹ олунуб. Вә мәгсәди вәһһаби Али-Хәлифә режиминин һәбсханаларында өзбашына сахланылан фәалларын вә диссидентләрин һүгугларынын ҹидди шәкилдә позулмасыны ишыгландырмагдыр.
Геј олунан тәшкилатлар танынмыш һүгуг мүдафиәчиләринин, блоҝҝерләрин, журналистләрин, дин хадимләринин, мүхалиф сијаси фәалларын вә едам ҹәзасына мәһкум едилмиш мәһбусларын һәбсинин давам етдирилмәсини әсас ҝәтирәрәк, бу шәхсләрин бир чохунун гачылмаз едам тәһлүкәси илә үзләшдији барәдә хәбәрдарлыг едибләр.
Мәктубда вурғуланыр ки, Бәһрејндә азад олунан сон мәһбуслар арасында һеч бир сијаси мәһбус вә ја инсан һаглары мүдафиәчиси јохдур вә буна ҝөрә дә бу шәхсләрин сәһһәти вә һүгуги статусу илә бағлы ҹидди нараһатлыглар вар.
Али Хәлифә вәһһаби режиминин зинданларындакы сијаси мәһбуслар арасында оланлардан бәзилринин адлары беләдир:
“Әбдүл Һади Әл-Хәваҹа (64 јаш), доктор Әбдүл Ҹәлил Әл-Синакис (63 јаш), профессор Һәсән Мүшаимә (77 јаш), Шејх Мәһәммәд Һәбиб Әл-Мигдад (62 јаш), Шејх Әли Салманын (60 јаш) ады чәкилир.”
Мәктубда билдирилир ки, һазырда Бәһрејндә 26 нәфәр едамыны ҝөзләјир, онлардан ән азы 11-и ја әдаләтсиз мәһкәмәләр заманы вә әсасән дә ишҝәнҹә алтында әлдә едилән етирафлара ҝөрә едама мәһкум едилибләр.
Бу шәхсләр арасында он илдән артыгдыр ки, һеч бир мәһкәмә просседуру олмадан һәбсдә сахланылан Мәһәммәд Рамазан вә Һүсејн Муса адлы шәхсләр дә вардыр.
Sizin rəyiniz