Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Бәндәр Аббасын Шәһид Рәҹаи Лиманында баш верән ағрылы јанғын һадисәсиндән сонра Үмүмдүнја Мүсәлманларынын Али Рәһбәри һәзрәти Ајәтуллаһ Хаменеи месаж верәрәк вәфат едәнләрин аиләләринә башсағлығы вериб. ИмамХаменеи һәзрәтләри тәһлүкәсизлик вә әдлијјә рәсмиләринә бу һадисәнин сәһләнкарлыг вә ја гәрәзли шәкилдә баш вермәсини там олараг арашдырыб үзә чыхармағы вә ганун чәрчивәсиндә тәгиб етмәји тапшырыб.
Ислам Ингилабынын Али Рәһбәринин месажынын мәтни беләдир:
Мәрһәмәтли вә Рәһмли Аллаһын ады илә!
Иннә Лилләһи вә Иннә Илејһи Раҹиун
Шәһид Рәҹаи Лиманында баш верән ағрылы јанғын һадисәси кәдәр вә нараһатлыг доғурур.
Тәһлүкәсизлик вә әдлијјә органларынын вәзифәли шәхсләри һәртәрәфли арашдырма апармалы, һәр һансы сәһләнкарлығы вә ја гәрәзлилији үзә чыхармалы вә ганунлара ујғун олараг һәјата кечирмәлидирләр.
Бүтүн мәмурлар фаҹиәли вә дағыдыҹы һадисәләрин гаршысыны алмаг үчүн өзләрини мәсулијјәтли һесаб етмәлидирләр. Бу фаҹиәви һадисәдә һәлак оланлара Аллаһдан рәһмәт вә бағышланма, һәлак оланларын аиләләринә сәбр вә әмин-аманлыг, јаралананлара исә тезликлә шифа диләјирәм. Еһтијаҹ анында јаралылара ган вермәјә һазыр олан фәдакар инсанлара үрәкдән тәшәккүр едирәм.
Вәс-сәлам алејкум вә рәһмәтуллаһ
Сејид Әли Хаменеи
7 Ордибеһишт 1404-ҹү ил
Sizin rəyiniz