Ағаҹанјан Ермәнистан вә Азәрбајҹан лидерләри арасында декабрын 7-нә планлашдырылан ҝөрүшүн ләғв едилиб-едилмәмәси илә бағлы суалы ҹавабландыраркән дејиб: “Данышыглар просеси һеч дә чыхылмаз вәзијјәтдә дејил. Биз гејд етмишик ки, конкрет разылашма вар вә Ермәнистан ондан имтина етмир. Бу бахымдан Азәрбајҹанын мөвгеји вә давранышы јени бир шеј дејил. Елә һаллар олуб ки, Азәрбајҹан тәрәфи илкин разылыға әсасән ҝөрүшләрә гатылмагдан имтина едиб, бу, тәбии ки, мүсбәт просес дејил”.
Гејд едәк ки, Ермәнистан баш назири Брүсселдә кечирилмәли олан 7 декабр саммитинә Франса президенти Еммануел Макронун дәвәт олунмасына исрарлы олдуғуна хатир һәләлик бу просес позулуб. Бунунла да илин сонунадәк ики гоншу дөвләт арасында сүлһ сазишинин имзаланаҹағы реал ҝөрүнмүр.
Азәрбајҹан Республикасы Франсанын Гарабағ мәсәләси илә әлагәдар сәрҝиләдији мөвгедән наразыдыр вә бу өлкәнин өз битәрәфлијини поздуғуна ҝөрә васитәчилик сәлаһијјәтини итирдијини гејд едир.
Хатырладаг ки, Франса Сенатынын ардынҹа нојабрын 30-да бу өлкәнин Нүмајәндәләр Палатасы да Азәрбајҹана гаршы санксијаларын тәтбиг едилмәси вә гондарма Дағлыг Гарабағ Республикасынын мүстәгиллијинин танынмасы барәдә гәтнамә гәбул едиб. Бу гәрар Парис илә Бакы арасында ҝәрҝинлијә сәбәб олуб вә Франсаја нота верилиб.
342/
