АБНА24 Хәбәр Верир ,бу барәдә өлкәнин Тәһлүкәсизлик Хидмәти мәлумат јајыб.
Билдирилир ки, Русија десантлары Харкова ениб. Ишғалчылар хәстәханаја - Шимал Реҝионунун Һәрби Клиники Тибб Мәркәзинә һүҹум едибләр. Онларла украјналы мүдафиәчиләр арасында дөјүш башлајыб.
"Украјнанын Оператив Силаһлы Гүввәләри" телеграм каналынын мәлуматына ҝөрә, һүҹум шәһәр вә бөлҝәдә һава һәјәҹаны хәбәрдарлығынын елан едилдији анда баш вериб.
Гејд едәк ки, февралын 24-дә Русија Украјнаја гаршы мүһарибәјә башлајыб. Һәбри әмәлијјатларын ҝедишиндә һәр ики тәрәфдән хејли сајда һәрбчи һәлак олуб вә ја јараланыб. Мүһарибә хүсусән Украјнаја фәлакәтләр бәхш едиб. Бу өлкәнин јүзләрлә динҹ сакини һәлак олуб вә јараланыб, шәһәрләрин инфраструктуруна ҹидди зијан дәјиб.
Бу арада Русија Президенти Владимир Путинин Кијевә бирбаша һүҹум әмри вермәси барәдә мәлумат јајылыб.
Украјнанын бөјүк шәһәрләринин јахын 48-72 саат әрзиндә ағыр шәкилдә бомбаланмасы әмри верилдији иддиа едилир.
Сон дурум барәдә исә Украјна Мүдафиә Назирлијинин фејсбук сәһифәсиндә мәлумат верилир.
Мәлуматда дејилир: “Ҹидди сајда ҹанлы гүввә вә техника иткисинә бахмајараг, дүшмән Кијевә һүҹуму давам етдирир. Рус ордусунун гаршысы Козелетс, Бобровитса вә Макијев әразиләриндә алынды. Онлар Сумы, Лебедин, Охтыркада уғурсуз ҹәһдләр едир. Боходухив, Чугив, Шевченкове әразиләриндә ишғалчыларын гаршысы алыныб. Донетск истигамәтиндә уғур газана билмәјән рус гүввәләри Мариупол шәһәрини мүһасирәјә алмаға башлајыб. Дүшмән, һәмчинин дәниз десант әмәлијјаты үчүн һазырлыгларыны давам етдирир. Онлар мүлки әһалини горхутмаг үчүн мүһүм инфраструктур објектләринә ракет ендирмәкдә давам едир. Ишғалчыларын бүтүн истигамәтләрдә иткиләри вар”, - дејә мәлуматда билдирилиб.
342/
3 mart 2022 - 05:31
Xəbər kodu: 1235297
Русија Харков шәһәринә десант гошуну чыхарыб, Украјна дөјүшчүләри онларла дөјүшә ҝириб.
