Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, мисли ҝөрүнмәмиш
истиләр дүнјанын мүхтәлиф јерләриндә инсанлар үчүн проблемләр јарадыб вә бир чох
өлкәләр истиләрлә бағлы хәбәрдарлыг едиб.
"Ассоҹиатед Пресс" хәбәр аҝентлијинин мәлуматына ҝөрә, даһа әлверишли һава шәраити јанғынсөндүрәнләрә Испанијанын "Канар адалары"ндакы "Ла Палма"да баш верән јанғынын ҝедишатыны азалтмаға көмәк едиб. Бу јанғын 4000-дән чох сакинин евләрини тәрк етмәсинә сәбәб олуб.
Шәнбә ҝүнү башлајан бу јанғын тәхминән 4600 һектар әразини әһатә едиб. Рәсмиләр инсанлардан аданын шимал-гәрб тәрәфинә јахынлашмамағы хаһиш едиб.
"Франҹе-Прессе" аҝентлији билдириб ки, Јунаныстанын пајтахты Афина рәсмиләри һаванын температурунун 41 дәрәҹәјә чатдығы үчүн Акрополу бағлајыблар, Италијанын Рома, Болонија вә Флоренсија да дахил олдуғу 15 шәһәриндә дә истиләрлә бағлы хәбәрдарлыг едилиб. Чәршәнбә ахшамы Ромада температурун 42 дәрәҹә селсијә чатаҹағы ҝөзләнилир. Инсанлара сәһәр саат 11:00-18:00 арасында бирбаша ҝүнәш алтында олмагдан чәкинмәләри төвсијә олунур.
Дүнјанын шәргиндә Јапонија базар ҝүнү он милјонларла инсаны истиләрлә бағлы хәбәрдар едиб. Демәк олар ки, ҝөрүнмәмиш температур бу өлкәнин бәзи һиссәләринә тәсир едиб. Бәзи јерләрдә, о ҹүмләдән Јапонијанын пајтахты Токиода температур 40 дәрәҹәјә гәдәр јүксәлиб. Бу арада Јапонијанын шималында исә лејсан јағышлары давам едиб.
Бирләшмиш Штатлар һәмчинин 100 милјондан чох инсаны, өлкә әһалисинин үчдә бирини әһатә едән һәддиндән артыг истиләрлә бағлы хәбәрдарлыг едиб вә Калифорнија, Невада вә Аризона штатларынын бәзиләриндә һаванын температуру 48,8 дәрәҹә селсијә чатыб.
Диггәт: Хәбәрдән Истифадә Етдикдә Мәнбәјә Истинад Лазымдыр!