Әһли-Бејт
(әлејһимус сәлам) Хәбәр Аҝентлији – АБНА:
Гыш ҝетди, јенә баһар ҝәлди,
Ҝүл битди вә лаләзар ҝәлди.
*** *** ***
Гушлар гамусу фәғанә дүшдү,
Ешг оду јенә бу ҹанә дүшдү...
(Бөјүк Иран Шиә Императору, Шаһ Исмајыл Хәтаинин “Баһаријјә”синдән ики бәнд)
Иранын ән јүксәк зирвәси олан Дәмавәнд әтәјиндә “Лар дүзү” вә ја “Лар Милли Паркы” кими танынан тәмиз дүзәнлик вар. Дәште Лар Теһран вә Мазандаран әјаләтләринин сәрһәддиндә јерләшир.
Јаз вә јај ајларында бу ҝөзәл дүзәнлик гырмызы лаләләрдән, гырмызы әсмәчичәјләриндән-анемонлардан, астрачичәклиләр сырасынын мүрәккәбчичәклиләр фәсиләсинә аид сары гајмагчичәкләрдән, ади дазы-пәнҹә-дәликли дазыотулардан, бәнөвшәләрдән вә с. ҝүлләрдән чичәкли көјнәк ҝејинир.
Лар дүзүнүн шөһрәт газанмасынын сәбәбләриндән бири дә бу дүзәнлијин гырмызы лаләләрдир ки, јолдан кечән һәр бир кәс ҝөзүнү саатларла онлара дикмиш олур.
Диггәт: Хәбәрдән Истифадә Етдикдә Мәнбәјә Истинад Лазымдыр!