Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Сүд јолу,
Ағ јол вә ја Кәһкәшан — Ҝүнәш системинин дә дахил олдуғу галактика. Сүд Јолу галактикасы
узунлуғу тәхминән 150 илә 200 мин ишыг или арасында олан "спирал золаг"дыр.
Ај ишығынын мане олмадығы ади ҝеҹәләрдә улдузлу ҝөјүн фонунда бүтүн сәманы бөјүк
даирә үзрә кәсән ишыглы бир золағы ади ҝөзлә ҝөрмәк олур.
Золаг сон дәрәҹә узагда јерләшән сајсыз-һесабсыз улдузларын ишығы һесабына јараныр. Бу ишылы золағы гәдим јунанлар ачыг ҝүмүшү рәнҝинә ҝөрә ону галактика, Ағ Јол вә ја Сүд Јолу адландырмышлар (јунанҹа галактикос сүд мәнасыны верир).
Ағ Јолун гурулушуну ону тәшкил едән улдузларын вәзијјәти вә гисмән дә космик тоз булудлары илә өртүлмәси мүәјјән едир. Белә тоз булудлары Ағ Јолу заһирән ики будаға ајырса да, сонра һәмин будаглар јенидән бирләшир.
Күрәви улдуз топасы вә чохсајлы улдузлар Галактика мәркәзи әтрафында сферик һалә әмәлә ҝәтирир. Һалә галактика мәркәзиндән 130 000 ишыг илинә бәрабәр мәсафәјә гәдәр узаныр.
Сүд јолундакы улдузларын сајыны һесабламаг чох чәтин бир ишдир. Ән јахшы һесабламалара ҝөрә, галактикамызда тәхминән 100-400 милјард улдуз вар.
Гејд едәк ки, бу шәкилләр Иран Ислам Республикасынын Илам останынын Илам шәһристанындакы “Кәбир дағы”, “Милү Пәнҹаб”, “Кан Сејфи”, “Разиане Бәдре” вә “Ларт силсиләси” үфүгүндән чәкилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!