Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Үмумдүнја
Әһли-Бејт (ә) Ассамблејасынын сәјләри илә ондан чох хариҹи өлкәдә Кәрамәт Онҝүнлүјүндә
јенијетмә гыз ушаглары үчүн Һәдди Булуғ бајрамы гејд олунуб. Бу мәрасимләрин әввәлиндә
Үмумдүнја Әһли Бејт (ә) Ассамблејасынын баш катиби Ајәтуллаһ Рза Рамазанинин видеомүраҹиәти
јајымланыб.
Үмумдүнја Әһли-Бејт (ә) Ассамблејасы вә Марнеоли Әһли-Бејт (ә) Ассамблејасына бағлы Һәзрәт Зејнәб (ә) адына Дини, Мәдәнијјәт вә Маариф Тәшкилатынын сәјләри илә ханым Есмира Нәсибова Һәзрәти Фатимә Мәсумәнин (ә) мөвлудунун илдөнүмүндә Марнеоли шәһәринин Әһли-Бејт (ә) адына Һүсејнијјәсиндә 40 јенијетмә ҝүрҹү гыз ушагларынын Һәдди Булуғ јашына чатмалары мүнасибәти илә бајрам мәрасими кечириб.
Мәрасимдә Гурани Кәримин тилавәтиндән сонра Елми Һөвзә мүәллимәси ханым Һафизә Һүсејнова Һәзрәт Мәсумәнин (сәламуллаһи әлејһа) фәзиләтләри барәдә данышмыш вә гызлар үчүн дини вә шәриәт һөкмләрдән бәһс етмишдир.
Һәмчинин мәрасимдә Әһли-Бејт (ә) Кәримәси олан һәзрәти Фатимәи Мәсумәнин мөвлуду мүнасибәти илә клипләр сәсләндирилиб.
Сонда јениҹә Һәдди Булуға чатмыш гыз ушаглары ҹәнаб Һагвардинин имамлығы илә ҝүнорта ҹамаат намазы гылыблар.
Диггәт: Хәбәрдән Истифадә Етдикдә Мәнбәјә Истинад Лазымдыр!