Илаһи Инҹиләрин Нур Сил-Силәси
Имам Хаменеи: Сурија халгына көмәклик ҝөстәрмәјимизлә сәмими гәлбдән онунла фәрх едирик – Фото
Бәшшар Әсәд: "Сурија мүһарибәси Ирана гаршы сәккиз иллик иҹбари (админ: 1980-1988-ҹи илләрдә Ираг диктатору Сәддам тәрәфиндән ИИР-а гаршы башладылан) мүһарибәјә бәнзәјирди вә Иран Ислам Республикасы бу һадисәдә фәдакарҹасына бизим кәнарымызда иди."
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сурија президенти Бәшшар Әсәд ҹәнаблары Иран Ислам Республикасына етдији ишҝүзар сәфәриндә өтән ҝүн сәһәр Үмүмдүнја Мүсәлманларынын Али Лидери вә сионизимә гаршы мүбаризә апаран Мүгавимәт Һәракатынын Рәһбәри Сејјид Һүсејни Әли Хаменеи һәзрәтләринин ҝөрүшүнә наил олуб.
Имам Хаменеи һәзрәтләри ҝөрүшдә Суријанын она гаршы 2011-ҹи илдән бәри башладылан амансыз мүһарибә, сијаси вә игтисади блокададан гәләбә илә чыхмасынын вә АБШ, Гәрб Иттифагы вә онларын реҝионал әлалтыларынын мәғлуб едилмәләринин рәмзини Суријанын президенти вә Сурија халгынын ҝөстәрдикләри мүгавимәти вә онларын бу мүгавимәтдә исрарлы олмалары адландырыб.
Ислам Ингилабынын Али Рәһбәри дејиб: "Иран Ислам Республикасы Сурија дөвләти вә халгына ҝөстәрдији көмәји Мүгавимәт Һәрәкатына ҝөстәрдији көмәк билир вә сәмими гәлбдән онунла фәрх едир."
Имам Хаменеи һәзрәтләри Иран Ислам Республикасынын Сурија бөһранын әввәл ҝүнүндән сәдагәтлә Сурија дөвләти вә халгынын кәнарында дајанмасына тохунараг бујурублар: "Сурија дөвләти ҝөстәрдији мүгавимәт вә өз халгынын һәмрәјлији илә реҝионда Америка, Авропа вә онларын мүттәфигләриндән ибарәт бөјүк бир коалисија гаршысында дајана билди вә бу просесдән гәләбә илә чыхды."
Даһа сонар Мүгавимәт Һәрәканынын Суријадакы гәләбәсиндән америкалыларын әсәбиләшмәләринә вә онларын јени фитнәләрә әл атмаларындан данышан һәзрәт Ајәтуллаһ Хаменеи дејибләр: "Америкалыларын Суријада јарадылмасынын ардынҹа олдуглары мүстәгли мәнтәгә мәсәләси бу тәһлүкәли фитнәрләрдәндир вә гәтијјәтлә ону рәдд етмәк вә онун гаршысында дајанмаг лазымдыр."
Бу ҝөрүшдә Сурија президенти Бәшшар Әсәд дә Иран Ислам Республикасынын онун өлкәсинә вердији бөјүк дәстәкләри јүксәк дәјәрләндириб. О, дејиб: Сурија мүһарибәси Ирана гаршы сәккизиллик иҹбари мүһарибәјә бәнзәјирди вә Иран Ислам Республикасы бу һадисәдә фәдакарҹасына бизим кәнарымызда иди.
Диггәт: Хәбәрдән истифадә етдикдә мәнбәјә истинад лазымдыр
