Имам Садигдән (әлејһи сәлам) белә нәгл олунур: “Санки, ҝөрүрәм Һәзрәт Саһибул-Әмр (Аллаһ Онун шәрәфли ҝәлишини тезләшдирсин) өз аиләси илә бирликдә о Мәсҹидә ҝәлир вә ораны Өзүнә мәскән едир.
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ирагын Күфә шәһәриндә јерләшән Сәһлә Мәсҹидинин ҝүнбәзинин гызыла бүрүнмәси ишләринә башланылыб.
Мәлумата ҝөрә, Һәзрәт Әбүлфәзл Аббасын (әлејһи сәлам) мүтәһһәр һәрәминин мүһәндис техники идарәси Сәһлә Мәсҹидиндәки бәрпа вә јенидәнгурма ишләрини һәјата кечирир. Идарәнин рәһбәри Зија Мәҹид Әл-Саиг һазырда мәсҹидин ҝүнбәзинин гызыла бүрүнмәси ишләринин биринҹи мәрһәләсинин һәјата кечирилдијини дејиб. О, јенидәнгурма ишләринин мәсҹидин мемарлығы илә аһәнҝ тәшкил етмәсинә диггәт етдијини билдириб.
Хатырладаг ки, Сәһлә мәсҹиди фәзиләт бахымындан Куфә мәсҹидинә чатмаса да, өзүнәмәхсус чохлу фәзиләтләри вардыр. Бу Мәсҹид һәзрәт Идрис (әла нәбијјина вә алиһи вә әлејһи сәлам) вә һәзрәт Ибраһим (әла нәбијјина вә алиһи вә әлејһи сәлам) пејғәмбәрин еви, һәзрәт Хызырын (әла нәбијјина вә алиһи вә әлејһи сәлам) галдығы јер вә мәскәни олмушдур. Сәһлә Мәсҹидиндә чохлу пејғәмбәрләр (әла нәбијјина вә алиһи вә әлејһим сәлам) намаз гылмышлар. Имам Садигдән (әлејһи сәлам) белә нәгл олунур: “Санки, ҝөрүрәм Һәзрәт Саһибул-Әмр (Аллаһ Онун шәрәфли ҝәлишини тезләшдирсин) өз аиләси илә бирликдә о Мәсҹидә ҝәлир вә ораны Өзүнә мәскән едир. Һәр кәс о Мәсҹиддә дајанарса, санки Аллаһын Рәсулунун (сәлләллаһу әлејһи вә алиһи вә сәлләм) хејмәсиндә дајанмышдыр. Сәһлә Мәсҹидиндә халис нијјәтлә дуа едән шәхсин һаҹәти јеринә јетириләр. Мәләкләр ҝеҹә-ҝүндүз о Мәсҹиди зијарәт едирләр...”.
Диггәт: Хәбәрдән истифадә етдикдә мәнбәјә истинад лазымдыр
