Ислам Ингилабынын Илдөнүмү Мүнасибәтилә
Иран Ислам Республикасы "Фәҹр-5" вә "Мисаг-3" ракетләринин серија истеһсалына башлајыб - Фото
Ислам Ҹүмһуријјәтинин Мүдафиә Назири билдириб ки, өлкәнин мүдафиә габилијјәтинин ҝүҹләндирилмәси дүшмәнләрин чохсајлы санксијаларына бахмајараг давам етдириләҹәк.
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасында беш јени силаһ нөвләри, о ҹүмләдән идарә олунан "Фәҹр-5" ракетләри вә сәјјар "Мисаг-3" зенит-ракет комплексләринин серија истеһсалына башланылыб.
"Өлкәнин мүдафиә потенсиалынын мүасир силаһларла мөһкәмләнмәсиндә Силаһлы Гүввәләрин тәминатында даһа бир әһәмијјәтли аддым баш вериб" -дејә, јени лајиһәләрин тәгдимат мәрасиминдә Иран Ислам Республикасынын мүдафиә назири Һүсејн Деһган билдириб.
Онун сөзләринә ҝөрә, "сон үч ил әрзиндә ИИР-ын һәрби сәнаје комплексинин мәһсул бурахылышынын һәҹми 69% артыб, бу дөврдә мүхтәлиф силаһ вә һәрби ләвазимат нөвләринин 115 әдәди лајиһәләшдирилиб, силаһланмаја гәбул едилиб вә серијаја (серија истеһсалына) бурахылыб.
Ислам Ҹүмһуријјәтинин Мүдафиә Назири билдириб ки, өлкәнин мүдафиә габилијјәтинин ҝүҹләндирилмәси дүшмәнләрин чохсајлы санксијаларына бахмајараг давам етдириләҹәк.
Диггәт: Хәбәрдән истифадә етдикдә мәнбәјә истинад лазымдыр
