Авропа Хәбәрләри
Террорчулар Түркијәдә 2017-нин сүфтәсин етдиләр, Истанбулда јени ил ҝеҹәси дәһшәтли террор - 39 өлү, 69 јаралы- Фото
Ҝөрүнтүләрдә силаһлы шәхсин мүәссисәјә јахынлашараг инсанлара атәш ачдығы мүшаһидә едилир.
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, дүныән ҝеҹә саат 02:00 радәләриндә Истанбулда ҝеҹә клубунда силаһлы һүҹум һәјата кечирилиб. Силаһлы шәхс Реина адлы мүәссисәјә ҝәләрәк инсанлара атәш ачыб. Клубда һүҹум заманы 700-800 нәфәр олуб. Нәтиҹәдә 39 нәфәр өлүб, 69 нәфәр јараланыб. Өлдүрүләнләрин чоху әҹнәби вәтәндашларыдыр.
Ҝөрүнтүләрдә силаһлы шәсхин мүәссисәјә јахынлашараг инсанлара атәш ачдығы гејд едилиб. Бундан сонра бир нәфәр јола јыхылыр, инсанлар хилас олмаг үчүн клубун дахилинә гачырлар, террорчу да ораја јөнәлир.
Диҝәр бир ҝөрүнтү исә бинанын дахилиндә гејдә алыныб. Силаһлы шәхс бурада әтрафа ҝөз ҝәздирир вә сонра мүәссисәнин отагларындан бириндә ҝизләнир.
Гејд едәк ки, өтән һәфтә АБШ рәһбәрлији Түркијәдәки вәтәндашларына јени иллә бағлы хәбәрдарлыг етмишди. АБШ тәрәфиндән едилән хәбәрдарлыгда "издиһамларын арасына ҝирмәкдән, хүсусилә дә гәрблиләрин, туристләрин вә әҹнәбиләрин тез-тез ҝетдији билинән ресторан, бизнес мәркәзләри, ибадәтҝаһ, нәглијјат мәркәзләри вә диҝәр јерләрдән мүмкүн гәдәр чәкинин" ифадәси гејд едилмишди.
Диггәт: Хәбәрдән истифадә етдикдә мәнбәјә истинад лазымдыр
