Белчиканын пајтахты Брүсселдә илк өнҹә һава лиманында баш верән ики партлајыш заманы 15 нәфәр өлүб, 35 нәфәр исә јараланыб. Өләнләрин сајы артмагдадыр… Нөвбәти террор акты исә, Брүсселдә метронун Малбек стансијасында гејдә алыныб. Һадисә нәтиҹәсиндә өләнләр барәдә мәлумат верилмәсә дә, јаралыларын олдуғу дејилир. Үчүнҹү террор акты исә, Брүсселдә Шуман адлы даһа бир метро стансијасында баш вериб.
Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Јахын Шәрги ал-гана бојајан Авропада ҝүҹлү партлајышлар гејдә алыныб. Белә ки, Белчиканын пајтахты Брүсселдә илк өнҹә һава лиманында баш верән ики партлајыш заманы 15 нәфәр өлүб, 35 нәфәр исә јараланыб. Өләнләрин сајы артмагдадыр…
Аеропортун фәалијјәти там дајандырылыб, бүтүн рејсләр тәхирә салыныб. Партлајышлардан сонра һава лиманы илә дәмир јолу әлагәси кәсилиб. Һәмчинин партлајышын баш вердији һава лиманында даһа бир партлајыҹы гурғунун ишә салынмадан ашкарландығы дејилир.
Нөвбәти террор акты исә, Брүсселдә метронун Малбек стансијасында гејдә алыныб. Һадисә нәтиҹәсиндә өләнләр барәдә мәлумат верилмәсә дә, јаралыларын олдуғу дејилир.
Үчүнҹү террор акты исә, Брүсселдә Шуман адлы даһа бир метро стансијасында баш вериб. Бу стансија Авропа комиссијасынын вә Авропа Иттифагы Шурасынын биналарынын јахынлығында јерләшир.
Јерли КИВ-ин вердији мәлумата ҝөрә, Белчика Франса илә сәрһәдләрини бағлајыб вә өлкәнин нүвә објектләринин тәһлүкәсизлијини ҝүҹләндириб.
КИВ-ләр һәмчинин билдириб ки, Брүсселдә дөрддүнҹү антитеррор һазырлыг сәвијјәси елан олунуб. Шәһәрдә мобил әлагә рабитәсиндә насазлыглар вар, партлајыш хәбәрләриндән сонра шәбәкә һәддән артыг јүкләниб.
Диггәт: Хәбәрдән истифадә етдикдә мәнбәјә истинад лазымдыр
_56f131d3d2119.jpg)
_56f131d0a4b30.jpg)
_56f131cd59a0e.jpg)
