Даһи Филососф, Ариф вә Фәгиһ Ајәтуллаһ Шејх Јәһја Әнсари Ширази вәфат едиб. Дәфн Мәрасими –Фото

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ИранИслам Республикасы Гум Елм Һөвзәсинин бөјүк фәлсәфә, ирфан вә фигһ устадларындан олан Ајәтуллаһ Шејх Јәһја Әнсари Ширази өтән 04, 01, 2015 тарихдә јашадығы Мүгәддәс Гум шәһәриндә 87 јашында фани дүнјаны дәјишәрәк Аллаһын (ҹәллә ҹәлалуһ) рәһмәтинә говушуб.

Танынмыш руһани алим Ајәтуллаһ Һаҹы Шејх Јәһја Әнсаринин өлүмү илә әлагәдар Гум Елми Һөвзәси, вә Али Тәглид Мәрҹәләри башсағлығы вериб.

Мәрһум Шејх Јәһја Әнсари Ширазинин мүбарәк ҹәсәди өтән ҝүн, Гум шәһәринин Имам Һәсән Әскәри (әлејһи сәлам) һәзрәтләринин ҝөстәриши илә тикилән Мәсҹиддән башлајараг һәзрәти Мәсумә (сәламуллаһи әлејһа) ханымын һәрәминә кими үмум руһаниләр, тәләбәләр, шәһәр ҹамааты, полис ишчиләри вә с. органларын әмәкдашлары тәрәфиндән тәшји олунуб.

Мәрһума намазы Али тәглид Мәрҹәси Ајәтуллаһ Мәкарим Ширази ҹәнаблары гылыб. Мәрһум Шејх Әнсари Ширази Ханым Фатимәји Мәсумәнин (сәламуллаһи әлејһа) һәрәминдә торпаға бастырылыб.


Алимин һәјатына гыса бир бахыш:

Шејх Јәһја Әнсари Ширази шәмси 1306-ҹы, милади 1917-ҹи илдә Иранын Фарс әјаләтинин, Дараб рајонунун Нәвајган кәндиндә дүнјаја ҝәлиб. Алимин шәрәфли нәслинин бөјүк Ислам Пејғәмбәри һәзрәти Муһәммәд ибн Абдуллаһын (сәлләллаһу әлејһи вә алиһ) сәһабәси Ҹабир ибн Абдуллаһ Әнсаријә (ризвануллаһи тәала әлејһ) бағлылығы вар.

Гум Елм Һөвзәсинин бәзи устадлары онун фәлсәфә елминдә мәһарәтләрини нәзәрә алараг ону Шејхул-Ишраг адландырыблар.

Ајәтуллаһ Әнсари Ширази 30 ил Әлламә Тәбатәбаидән үмуми вә хүсуси дәрс алыб. Шејхул-Ишраг Имам Хомејнинин (рәһмәтуллаһи әлејһ) етимад ҝөстәрдији тәләбәләрдән иди.

Ајәтуллаһ Әнсаринин әсәрләри арасында 4 ҹилдлик Шәрһи Мәнзумә әсәринин хүсуси јери вар. Бу китабын ики ҹилди онун дәрсләри әсасында һазырланмышдыр.

Ајәтуллаһ Әнсаринин биографијасында залым шаһ режими илә мүбаризә, САВАК һәбсханаларында мәһбуслуг һәјаты да вар. О, Ислам Ингилабындан өнҹә 3 ил Лористан вә Исфаһанын Наин мәнтәгәсиндә сүрҝүндә олуб.

Бу бөјүк устад шәмси 1342-ҹи илдә Имам Хомејнинин (р) мәрҹеијјәтини тәсдиг едән 12 нәфәрдән биридир. Бу һадисә Ајәтуллаһ-үзма Бүруҹердинин вәфатындан сонра баш вериб. Шәмси 1390-ҹы илдә Ҹәнаб Рәһбәр Ајәтуллаһ Хаменеи Ајәтуллаһ Әнсари Ширазијә баш чәкиб, она дүрр үзүк бағышлајыб.


Диггәт: Хәбәрдән истифадә етдикдә мәнбәјә истинад лазымдыр