Илаһи Инҹиләрин Нур Сил-Силәси
Имам Хаменеи ҹәнаблары Имам Әли (ә) адына Һәрби Академија мәзунларынын андичмә мәрасиминдә иштирак едиб - Фото
Үмүмдүнја Мүсәлманларынын Али Рәһбәри: “Дүнја Иран Ислам Республикасынын силаһлы гүввәләри үзәриндә һесаб ачыб вә она ҹидди јанашыр. Чүнки, јахшы билир ки, һәр һансы мәсулијјәт вә дөјүш әрсәсиндә Иранын силаһлы гүввәләри сон сөзү дејәҹәк”.
Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Үмүмдүнја Мүсәлманларынын Али Лидери, Ислам Ингилабынын Бөјүк Рәһбәри Һәзрәт Ајәтуллаһүлүзма Хаменеи бу ҝүн Иран Ислам Республикасы Ордусунун Имам Әли (әлејһи сәлам) адына Һәрби Академија мәзунларынын андичмә мәрасиминдә иштирак едиб.
Имам Хаменеи ҹәнаблары, андичмә мәрасиминдә етдији чыхышында билдириб: “Силаһлы гүввәләр сөзүн һәгиги мәнасында ҝүҹлү олмасы үчүн, мүасир дөјүш габилијјәтләри вә һәрби тәҹһизатлар илә јанашы иман, бәсирәт, сарсылмаз ирадә вә һәгиги мәсулијјәтә дә малик олмалыдыр”.
Һәзрәти Ајәтуллаһ Узма Хаменеи ҹәнаблары силаһлы гүввәләрдә олан ҝүҹ мөвзусуна дәриндән диггәт јетирилмәсинин ваҹиблијини вурғулајараг, билдирибләр: “Мүасир һәрби технолоҝија, тәҹһизатлар вә јүксәк дөјүш габилијјәтли гүввәләрин сајынын чох олмасы тәкликдә һәр һансы бир өлкәнин силаһлы гүввәләринин ҝүҹлү олмасына ҝәтириб чыхармаз. Бунун үчүн стимул, мәнәвијјат, әзмкарлыг вә бүтүн рәфтарлар вә мөвгеләрдә мәсулијјәти һәгиги мәнада дәрк етмәк дүшүнҹәсинин һаким олмасы лазымдыр”.
Үмүмдүнја Мүсәлманларынын Али Рәһбәри Иран Ислам Республикасы Силаһлы Гүввәләринин сәккиз иллик Мүгәддәс Мүдафиә дөврүндә сарсылмаз ирадәси, елми вә јенилик габилијјәтләри вә мәнәви потенсиалларына тохунараг билдирибләр: “Дүнја Иран Ислам Республикасынын силаһлы гүввәләри үзәриндә һесаб ачыб вә она ҹидди јанашыр. Чүнки, јахшы билир ки, һәр һансы мәсулијјәт вә дөјүш әрсәсиндә Иранын силаһлы гүввәләри сон сөзү дејәҹәк”.
Диггәт: Хәбәрдән истифадә етдикдә мәнбәјә истинад лазымдыр
