Гардашлыг Әлагәләри
Иран Ислам Республикасына ишҝүзар сәфәр етмиш Азәрбајҹан президенти Имам Хаменеи ҹәнаблары илә ҝөрүшүб + Фото
Үмүмдүнја Мүсәлманлыарынын Али Дини Лидери Ајәтуллаһ Узма Сејид Әли Хаменеи һәзрәтләри өлкәсинин Ермәнистан-Азәрбајҹан, Дағлыг Гарабағ мүнагишәсинин Азәрбајҹанын әрази бүтөвлүјү әсасында һәллинин тәрәфдары олдуғуну билдириб.
Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасына рәсми сәфәр едән Азәрбајҹан Республикасынын президенти Илһам Әлијев апрелин 9-да Теһранда Үмүмдүнја Мүсәлманлыарынын Али Дини Лидери Ајәтуллаһ Узма Сејид Әли Хаменеи һәзрәтләринин гәбулунда олуб.
Имам Хаменеи һәзрәтләри Азәрбајҹан президентинин сәфәринин ики өлкә арасындакы әмәкдашлығын даһа да ҝенишләнмәси ишинә хидмәт едәҹәјинә әминлијини вурғулајыб вә әлагәләрин бундан сонра да уғурла инкишаф едәҹәјинә үмидвар олдуғуну билдириб.
Үмүмдүнја Мүсәлманлыарынын Али Дини Лидери Ајәтуллаһ Узма Сејид Әли Хаменеи һәзрәтләри өлкәсинин Ермәнистан-Азәрбајҹан, Дағлыг Гарабағ мүнагишәсинин Азәрбајҹанын әрази бүтөвлүјү әсасында һәллинин тәрәфдары олдуғуну билдириб.
Һәзрәти Ајәтуллаһ Сејид Әли Хаменеи Азәрбајҹан президентинин бөјүк тәҹрүбәјә малик олдуғуну вурғулајыб вә Азәрбајҹан халгына фираванлыг арзуларыны чатдырыб.
Гејд едәк ки, Азәрбајҹан Республикасынын президенти Илһам Әлијев, Имам Хаменеи һәзрәтләри илә, кечиртдији ҝөрүшүндән сонра Бакы вахты илә 21:00-да Теһран Имам Хомејни адына Бејнәлхалг Һава Лиманы васитәси илә Бакыја ҝеријә дөнүб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
