Мәзлумун аһы јердә галмаз
Формул 1 јарышынын кечирилмәсинә етираз едән бәһрејнлиләр Хәлифә сүлаләсинин зоракылығы илә үзләшдиләр + Фото
Бәһрејн халгы вәтәндаш һүгугларынын кобудҹасына тапдаландығы бир өлкәдә, гејригануни падшаһлыг системинә сүлһамиз етираз едәнләрин амансызҹасына ишҝәнҹәләрә мәруз галдығы бир режимдә “Бөјүк Бәһрејн Ҹајизәси” ады алтында Формула 1 машын јарышынын кечирилмәсинә етираз едибләр.
Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бәһрејн халгы вәтәндаш һүгугларынын кобудҹасына тапдаландығы бир өлкәдә, гејригануни падшаһлыг системинә сүлһамиз етираз едәнләрин амансызҹасына ишҝәнҹәләрә мәруз галдығы бир режимдә “Бөјүк Бәһрејн Ҹајизәси” ады алтында Формула 1 машын јарышынын кечирилмәсинә етираз едибләр.
Али Хәлифә режиминин әсас мүхалифәтчиләриндән олан сијаси Иҹмаларын вә тәшкилатларын чағырышы илә етираз аксијасында иштирак едәнләр, Шахуре мејданындан Сар мејданына кими мүхтәлиф анти-режим вә азадлыг шүарлары верәрәк јүрүш едибләр.
Али Хәлифә режиминин халга гаршы төрәтдикләри ҹинајәтләрә сон гојмасыны вә өлкәдә азад сечкиләрин бәрпасыны тәләб едән етриазчылар, өлкә дахилиндә вә хариҹиндә өз сүлһамиз аксијаларынын давам етдирилмәсинә тәкид едибләр.
Али Хәлифә режиминин мүздлу ҝүҹ структурлары исә өз нөвбәсиндә Формула 1 машын јарышынын етиразсыз кечирилмәси үчүн јарышларын кечирилән бөлҝәјә ҝәлән бүтүн хијабанлары бағлајыблар.
Али Хәлифә падшаһлыг режиминин горујуҹу гүввәләри, һабелә халгын кечиртдији сүлһамиз етиразлары паракәндә етмәк мәгсәди илә зәһәрли вә ҝөзјашардыҹы газлардан, резин дәјәнәкләрдән вә одлу силаһлардан истифадә едибләр.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
