Сәфәвиләр дөвләти – Әрдәбил вә Иран тарихиндә парлаг вә әламәтдар бир дөвр \ ФОТО

Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Вәлијји-фәгиһин Әрдәбил вилајәтиндәки нүмајәндәси вә Әрдәбилин ҹүмә имамы Ајәтуллаһ Сејјид Һәсән Амили билдириб ки, Сәфәви Гызылбашларынын ҝүҹү, әзәмәти вә Иран тарихиндәки дәрин тәсири тәрифә лајигдир вә бу дөвр һәм Әрдәбилин, һәм дә Иранын ән парлаг вә әламәтдар һакимијјәт дөврләриндән бири һесаб олунур.

Шәнбә ахшамы, Сәфәвиләр сүлаләсинин Иран һакимијјәтинә ҝәлмәсинин илдөнүмү вә “Әрдәбил Ҝүнү” мүнасибәтилә Шејх Сәфиәддин Әрдәбилинин тарихи комплексиндә халгын вә рәсмиләрин иштиракы илә кечирилән мәрасимдә чыхыш едән Ајәтуллаһ Амили вурғулајыб:

“Али Рәһбәр, һеч бир вилајәт һаггында Әрдәбил гәдәр бу дәрәҹәдә дәрин вә дәјәрли сөзләр сөјләмәјиб. Бу бизим үчүн бөјүк бир ифтихардыр.”

О әлавә едиб:“Гызылбашларын гүдрәти вә тарихи ролу дәриндән тәһлил олунмалыдыр. Сәфәвиләрин һакимијјәти тәкҹә сијаси дејил, һәм дә дини вә мәдәни бахымдан Әрдәбилин вә Иранын тарихиндә өнәмли вә мисилсиз бир мәрһәләдир.”

Тәдбирдә иштирак едән Кан Дилек, түркијәли мәдәнијјәтшүнас да чыхыш едәрәк билдириб:“Биз Әрдәбил халгына бөјүк јахынлыг һисс едирик. Гызылбашлара вә Сәфәви һөкмдарларыјла гүрур дујуруг вә өзүмүзү јад дејил, әсл әрдәбилли һесаб едирик.”

О әлавә едиб:“Шејх Сәфиәддин бизим пиримиз вә мүршидимиздир, онун мәзары Әрдәбилдә јерләшир. Биз һәлә дә Әләвијик, үрәјимиз Әрдәбил халгы илә бирдир. Әрдәбил бизим үчүн садәҹә бир ҹоғрафија дејил, руһ, иман вә үмид гибләсидир.”

Кан Дилек һәмчинин гејд едиб:“Бөјүк мәдәнијјәтә малик Иран халгы, 12 ҝүнлүк мүһарибәдә сионист режимин тәҹавүзүнә гаршы бөјүк гејрәт вә шүҹаәт ҝөстәрди. Биз Иран халгы вә Әрдәбил әһалиси илә фәхр едирик.”