Нәҹәфдә тәһсил алан азәрбајҹанлы тәләбәләрин тәшәббүсү вә тәшкилатчылығы илә һәјата кечирилмиш тәдбир Имам Һүсејн (ә) вә Һәзрәт Аббас (ә) һәрәмләринин арасында, Бејнәл-һәрәмејн адлы мәканда баш тутуб.
АБНА24 Хәбәр Верир, Ирагын мүгәддәс Кәрбәла шәһәриндә Гарабағ Мүһарибәси шәһидләринин хатирәсинә һәср едилмиш тәдбир кечирилиб. Нәҹәф шәһәриндә тәһсил алан азәрбајҹанлы тәләбәләрин тәшәббүсү вә тәшкилатчылығы илә һәјата кечирилмиш тәдбир Имам Һүсејн вә Һәзрәт Аббас мәсҹидләринин арасында, Бејнәл-һәрәмејн адлы мәканда баш тутуб. Тәдбирин кечирилдији үстүөртүлү галерејада Гарабағ Мүһарибәсиндә шәһид олмуш азәрбајҹанлы дөјүшчүләрин шәкилләриндән, ермәниләр тәрәфиндән ракет атәшинә тутулмуш Ҝәнҹә вә Бәрдә шәһәрләриндә мүлки әһали арасындакы иткиләри әкс етдирән фотолардан, ермәниләр тәрәфиндән тәһгирә мәруз гојулмуш мәсҹидләрин ҝөрүнтүләриндән ибарәт сәрҝи тәшкил олунуб. Фотосәрҝидә Азәрбајҹан Ордусунун гәләбәләрини вә мүбариз руһуну ҹанландыран плакатлар да нүмајиш етдирилиб. Тәдбирдә Гарабағ проблеминин тарихчәси, Азәрбајҹан Ордусунун өз торпагларыны азад етмәјә јөнәлмиш һагг мүбаризәсинин маһијјәти барәдә мәлумат вериб. Гејд едилиб ки, 30 илә јахын давам етмиш ермәни ишғалы нәтиҹәсиндә 20 мин нәфәрдән артыг азәрбајҹанлы гәтлә јетирилмиш, бир милјона јахын динҹ әһали јурд-јувасындан дидәрҝин дүшүб. Нәһајәт, бу илин сентјабрын ајынын 27-дә Азәрбајҹан Ордусу ишғал алтында олан торпаглары гарыш-гарыш азад етмәјә башламыш, мәғлуб олан ермәни силаһлы гүввәләри тутдуглары әразиләрдән чыхмаға мәҹбур олуб. Тәдбир иштиракчыларынын диггәтинә чатдырылыб ки, мүсәлман ҹоғрафијасында Азәрбајҹан өзәл јерә маликдир. Бу торпагларда Ислам тарихинин вә мәдәнијјәтинин мүһүм абидәләри мөвҹуддур. Азәрбајҹанын елм вә сәнәт адамлары мүсәлман шәргинин елм, әдәбијјат вә инҹәсәнәт тарихинә бөјүк төһфәләр вердији, Кәрбәла шәһәриндә дәфн едилмиш дүнја шөһрәтли шаиримиз Фүзули бу шәхсијјәтләрдән биридир. Тәдбирдә Гарабағ проблеминин тарихчәси, Азәрбајҹан Ордусунун өз торпагларыны азад етмәјә јөнәлмиш һагг мүбаризәсинин маһијјәти барәдә мәлумат вериб. Гејд едилиб ки, 30 илә јахын давам етмиш ермәни ишғалы нәтиҹәсиндә 20 мин нәфәрдән артыг азәрбајҹанлы гәтлә јетирилмиш, бир милјона јахын динҹ әһали јурд-јувасындан дидәрҝин дүшүб. Нәһајәт, бу илин сентјабрын ајынын 27-дә Азәрбајҹан Ордусу ишғал алтында олан торпаглары гарыш-гарыш азад етмәјә башламыш, мәғлуб олан ермәни силаһлы гүввәләри тутдуглары әразиләрдән чыхмаға мәҹбур олуб. Тәдбир иштиракчыларынын диггәтинә чатдырылыб ки, мүсәлман ҹоғрафијасында Азәрбајҹан өзәл јерә маликдир. Бу торпагларда Ислам тарихинин вә мәдәнијјәтинин мүһүм абидәләри мөвҹуддур. Азәрбајҹанын елм вә сәнәт адамлары мүсәлман шәргинин елм, әдәбијјат вә инҹәсәнәт тарихинә бөјүк төһфәләр вердији, Кәрбәла шәһәриндә дәфн едилмиш дүнја шөһрәтли шаиримиз Фүзули бу шәхсијјәтләрдән биридир. Бејнәл-һәрәмејндә тәшкил олунмуш сәрҝи Кәрбәлаја зијарәтә ҝәлмиш диндарларда вә шәһәр әһалисиндә дә бөјүк мараг доғуруб. Шәһидләримизин фотоларыны әкс етдирән плакатлар, Бибиһејбәт зијарәтҝаһынын ҝөрүнтүләри хүсуси мараға сәбәб олуб. Сәрҝидә Азәрбајҹандакы дини толерантлығы әкс етдирән фотолар да нүмајиш етдирилиб. Азәрбајҹан Президентинин ишғалдан азад олунмуш Ағдам мәсҹидини зијарәт етмәсини вә һәр ил Рамазан бајрамында өлкәдәки дини конфессија башчылары илә бир маса архасында әјләшмәсини әкс етдирән фотолар да сәрҝи иштиракчыларынын диггәтиндән кәнарда галмајыб. Азәрбајҹанлы тәләбәләр зијарәтчиләрә експонатлар һаггында әтрафлы мәлумат верибләр.
342/
