Мүдафиә вә Силаһлы Гүввәләрә Дәстәк Назирлији, Мүдафиә Назирлијинин Арашдырма вә Инновасија Тәшкилатынын рәһбәри Др.Мөһсүн Фәхризадәнин террор әмәлијјаты нәтиҹәсиндә шәһид олдуғуну елан етди.
АБНА24 Хәбәр Верир, бу ҝүн ҹүмә ҝүнортадан сонра силаһлы террорчулар Мүдафиә Назирлијинин Тәдгигат вә Инновасија Тәшкилатынын рәһбәри Др. Мөһсүн Фәхризадәнин олдуғу автомобилә һүҹум едибләр. Террор акты нәтиҹәсиндә Ф.Мөһсинзадә шәһид шәһид олуб. Һадисә бир нечә саат әввәл Иранын Дәмавәнд мәнтәгәсиндә баш вериб. Ҹан ҝүдән вә тәһлүкәсизлик групу илә террорчулар арасында баш верән гаршыдурма заманы ҹәнаб Мөһсүн Фәхризадә ағыр јараланараг хәстәханаја апарылды. Мәәләсәф, хәстәханада һәким групу ону хилас едә бимәјиб, вә Др. Мөһсүн Фәхризадә бир өмүр мүбаризә вә етигад јолунда елми ҹиһаддан сонар Шәһидлик зирвәсинә јүксәлиб. Др. Мөһсүн Фәхризадә дүнјанын ракет вә нүвә технолоҝијалары саһәсиндә ән нүфузлу алимләрдәндир. Мөһсүн Фәхризадә ејни заманда Иран Ислам Ҹүмһуријјәтинин али сәвијјәли елм вә тәһгигат алимләриндән бири иди. АБШ хариҹи сијасәтинә даир тәһлилләрилә сечилән "Форенҝ Полиҹј" журналынын рејтингиндә Иранын 5 әсас нүвә алиминдән бири олан Др. Мөһсүн Фәхризадәјә һәм дә БМТ тәрәфиндән санксија тәтбиг олунмушду. Др. Мөһсүн Фәхризадә јеҝанә алимдир ки, Б.Нетанјаһу програмларын бириндә онун адыны чәкмишди. Сионист Исраил медиасы бир нечә ил бундан габаг она гаршы олан террорлардан биринин зәрәрсизләшдирилмәси барәдә мәлумат јајмышды. Һәмчинин ишғалчы Исраил медиасынын иддиасына әсасән, алимин ады БМТ васитәсилә Моссада өтүрүлүб. Еһтимал едилир ки, Шәһид Фәхризадәнин мүһафизәчиләри дә бу һадисәдә зәрәр ҝөрүб. Гејд едәк ки; Бу суи-гәсд әмәлијјаты, Др.Мәҹид Шәһриаринин шәһадәтинин илдөнүмү ҝеҹәси баш вериб. Шәһид Шәһриари, он ил әввәл сионист режимин аҝентләри тәрәфиндән вә мүнафигләрин иш бирлији илә шәһид едилән, өлкәнин ҝөркәмли нүвә алимләриндән бири иди.
342/
