Әбу-Бәкир Шабанович: “Мәсҹидин таваны хариҹдә сифариш едилмиш хүсуси авизәләрлә ишыгландырылаҹаг. Ҹүмә ибадәти заманы, лајиһәјә әсасән, залда 730-дан чох адам, фактики олараг исә 1,5 мин нәфәр јерләшә биләр.”
Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Беларусун Мүсәлман Дини Бирлијинин сәдри, мүфти Әбу-Бәкир Шабанович бу барәдә данышаркән дејиб: “Мәсҹидин ачылыш тарихи артыг мүәјјән едилиб. Мәсҹид 2016-ҹы илин ијулунда фәалијјәтә башлајаҹаг, ачылыш мәрасиминә чохлу гонаг дәвәт олунаҹаг”.
Һәмин вахтадәк исә дахилдәки бәзәк ишләри баша чатдырәлаҹаг, мебел ҝәтириләҹәк, музеј, китабхана, инзибати отаглар гајдаја салынаҹаг. Ибадәт залында рәссамлар ишләјирләр. Тезликлә диварда Мүгәддәс Гурандан ајәләр әксини тапаҹаг.
Әбу-Бәкир Шабанович билдириб ки, Мәсҹидин таваны хариҹдә сифариш едилмиш хүсуси авизәләрлә ишыгландырылаҹаг. Ҹүмә ибадәти заманы, лајиһәјә әсасән, залда 730-дан чох адам, фактики олараг исә 1,5 мин нәфәр јерләшә биләр.
Минскдә Ҹүмә Мәсҹидинин тикинтиси он илдән чохдур давам едир. Һазырда малијјәләшдирмә илә Түркијә тәрәфи мәшғул олур.
Диггәт: Хәбәрдән истифадә етдикдә мәнбәјә истинад лазымдыр
