Фашист Исраил режиминин Кәшфијјат Идарәси Шин Бет ишғал олунмуш әразиләрдә баш верән јанғынларын тәһгигатыны өз үзәринә ҝөтүрүб \ Фото

Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иранын Шәһид Рәҹаи адына лиманда баш верән партлајышын ардынҹа фашист Исраил режиминдә дә ардыҹыл күтләви јанғынлар баш вермәкдәдир ки, артыг бу јанғын һадисәләри фашист Исраил режимини далана дирәмәк һалындадыр.

Белә ки, фашист Исраил режиминин дахили кәшфијјат аҝентлији Шин Бет сон ҝүнләр ишғал етдикләри Фәләстин әразиләриндә баш верән бир сыра шүбһәли јанғынларла бағлы истинтага рәсмән гошулуб. Ҝениш әразијә јајылан јанғынларын гәсдән төрәдилмәси еһтималы тәһлүкәсизлик гүввәләрини һәјәҹан вәзијјәтинә салыб.

Фашист Исраил режиминин "Канал 12" телевизијасынын вердији мәлумата ҝөрә, Исраилин дахили тәһлүкәсизлик хидмәти Шин Бет (Шабак) сон ҝүнләр ишғал олунмуш Фәләстин әразиләриндә дәфәләрлә баш верән иримигјаслы мешә вә чөл јанғынлары илә бағлы истинтага рәсмән гошулуб. Бу гәрар јанғынларын тәбии сәбәбләрдән дејил, даһа чох тәһлүкәсизлик өлчүсү олан вә ја гәсдән төрәдилмиш һадисәләрдән баш вермәси еһтималыны ҝүндәмә ҝәтириб.

Фашист Исраил режиминин "Канал 14" телевизијасы һәмчинин ишғалчы режимин бир нечә бөлҝәсиндә ејни вахтда јанғынларын давам етдијини билдириб вә буну гејри-ади һал адландырыб. Хәбәрдә диггәти чәкән башга бир детал исә әрәб әһалисинин чох олдуғу бөлҝәләрдә јанғынларын һеч биринин баш вермәмәси олуб. Бу вәзијјәт бәзи даирәләр тәрәфиндән мүәјјән әразиләри һәдәф алан јанғынлар кими изаһ едилиб.

Фашист режиминин полис гүввәләри бу јанғынла бағлы бир нәфәри “гәсдән јанғын төрәтмәк” иттиһамы илә сахлајыб. Истинтаг дәринләшдикҹә һадисәдә башга шәхсләрин дә әли ола биләҹәји еһтимал едилир.

Гејд едәк ки, Шин Бетин иштиракы, һадисәнин тәкҹә еколожи фәлакәт кими дејил, һәм дә потенсиал тәһлүкәсизлик тәһлүкәси кими гәбул едилир. Сәлаһијјәтлиләр јанғынларын мүтәшәккил шәкилдә, тәхрибат вә ја фәрди һәрәкәтләр олуб-олмамасы илә бағлы арашдырмаларыны давам етдирир.