Әфганыстанда тарихи Ҹам Минарәси дағыдылма тәһлүкәси илә үзләшиб – Фото

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Әфганыстанда Ислам Мәдәни Ирси Сијаһысы илә јанашы Үмумдүнја Ирси Сијаһысына дахил едилмиш “Ҹәм” Минарәси бахымсызлыг, зәлзәлә, еләҹә дә гар вә јағыш уҹбатындан мәһв олмаг тәһлүкәси илә үзләшиб. Әфганыстанда ISICO вә ЈУНЕСКО тәрәфиндән Үмумдүнја Ирс Сијаһысына дахил едилмиш Ҹәм Гүлләси һиҹри гәмәри тарихи илә ВЫ, милади тарихи илә 11-ҹи әсрә аиддир. Ҹәм Минарәси Әфганыстанын Ғур әјаләтинин дағлыг мәнтәгәсиндә инша олунуб. Әфганыстанын гәрбиндә јерләшән Ғур вилајәтинин Информасија вә Мәдәнијјәт Департаментинин сәдринин мәлуматына ҝөрә, бу ај Әфганыстанын гәрб әјаләтләриндә баш вермиш зәлзәлә, еләҹә дә гар вә јағыш сәбәбиндән Ҹәм Минарәси учмаг тәһлүкәси илә үзләшиб. Әбдүл Һәјј Заим вурғулајыб: "Әҝәр ЈУНЕСКО Ҹам минарәсинин тәмири илә бағлы ҹидди аддымлар атмаса, биз онун дағылдығыны ҝөрәҹәјик вә бу, дүнја үчүн бөјүк биабырчылыгдыр".