Әрбәин зәвварлары Имам Заманын (ә) әмиси "Һәзрәт Сејјид Мәһәммәд" ин һәрәминдә - Фото Репортаж

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, "Сејјид Мәһәммәд" вә "Сәба әл-Дуҹаил (Дүҹаил асланы)" кими танынан Әбу Ҹәфәр Мәһәммәд ибн Әли әл-Һади ән-Нәги (ә) Имам Һадинин (ә) бөјүк өвлады, Имам Һәсән Әскәри (ә) вә Имам Заманын (ә) исә әмисидир. О, тәхминән 228 -ҹи илиндә Мәдинә шәһәри јахынлығындакы Сариа кәндиндә анадан олуб. Јүксәк әхлага, бөјүк әдәбијјата, мисилсиз ләјагәтә вә бол билијә малик иди вә бу мүкәммәлликләр бир чох инсаны валеһ едирди. Атасы Имам Әлијјән Нәги (әлејһи сәлам) кафир Аббаси хәлифәләри тәрәфиндән Самирраја сүрҝүн едилдикдән сонра, Сејјид Мәһәммәд ҝәнҹ јашында атасы илә бирҝә Ирага, Самирра һәрби шәһәрҹијинә һиҹрәт едир. Һиҹри 252 -ҹи илдә Аллаһын евини зијарәт етмәк үчүн Һиҹаза ҝетмәји планлашдырды; Амма Балад кәндинә (Самаррадан әлли километр аралыда) чатанда һәмин ил Ҹәмади әл-Сани'нин сонунда Шәһид олур. Бәзи тарихчиләр онун мәлун Бәни Аббас тәрәфиндән зәһәрләндијини дејирләр. Һәзрәти Сејид Мәһәммәдин Балад шәһәриндәки зијарәтҝаһы һазырда Ираг шиәләри вә сүнниләри арасында, хүсусән дә көчәриләр тәрәфиндән бөјүк һөрмәтә маликдир вә ондан бир чох кәрамәтләр нәгл олунмушдур.