Боснија мүсәлманларынын Фәрһадијјә мәсҹиди Авропа өлкәләринин ән гәдим вә мемарлыг бахымындан ән ҝөзәли олмасына рәғмән гәриб галмыш вә танынмамышдыр.
Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Фәрһадијјә мәсҹиди Боснијанын ән гәдим тарихи мәсҹидидир.
Бу мәсҹидин хатирәси Боснија милли тәгвиминдә "мәсҹид ҝүнү" кими гејдә алыныб.
"Мәсҹид ҝүнү" Боснијанын мүсәлман халгы мәсҹидләрә ҝедир, мәсҹидләрин тозуну алыр, ҝүл илә бәзәјир вә мәсҹидләр еһтирамла анылыр.
Боснија вә Һерсеговинанын Ортодокс Христианларынын мәркәзи олан Банја-Лука шәһәринин тарихи Фәрһад Паша (Фәрһадијјә) мәсҹиди Боснијанын мүһүм тарихи абидәси вә Балкан өлкәләринин ҝөзәл Ислами мемарлыг нүмунәләриндән биридир.
Бу мәсҹид 16-ҹы милади әсриндә Санҹак һакими Фәрһад Пашанын әмри әсасында Мемар Синанын шаҝирдләриндән биринин мемарлығы илә тикилмишди.
Белә бир тарихи әһәмијјәтли мәсҹид 1993-ҹү илдә "Серб" радикаллары тәрәфиндән динамитлә дағыдылды вә һәмин дахили мүһарибә заманы демәк олар ки, бүтүн мүсәлманлар шәһәрдән говулдулар.
Мүсәлманлардан бир һиссәси шәһәрә гајытдыгдан сонра 2001-ҹи илдә Боснија Ислам Ҹәмијјәти мәсҹидин јенидән тәмир едилмәси прожесини башладылар. Амма мадди базанын олмадығы үчүн мәсҹидин тәмири дајанды. 2014-ҹү илдә мүсәлманлар јенидән мәсҹидин тәмирини башладылар вә бу иш 2015-ҹи илдә баша чатды вә мәсҹид јенидән истифадәјә верилди.
Фәрһадијјә мәсҹиди Авропа өлкәләринин ән гәдим вә мемарлыг бахымындан ән ҝөзәли олмасына рәғмән гәриб галмыш вә танынмамышдыр.
Мүсәлманларын бир һиссәси бу шәһәрә гајытса да бурада јаранмыш исламофобијадан ҹансыхыҹы бир аура вар. Ханымларын һиҹаб бағламасы проблемлидир.
Боснија мүсәлманлары "мәсҹид ҝүнү"нә Фәрдаһијјә мәсҹидинә зијарәт сәфәр кими бахырлар.
Диггәт: Хәбәрдән Истифадә Етдикдә Мәнбәјә Истинад Лазымдыр!
